Qurmetti otandastar!
Qymbatty ardagerler, Uly Otan soǵysynyń qatysýshylary, tyl eńbekkerleri!
Sizderdi qan maıdandaǵy óshpes erlik pen ólsheýsiz dańqtyń, tyldaǵy eren eńbek pen asqan qaharmandyqtyń umytylmas ónegesi – Jeńis kúnimen shyn júrekten quttyqtaımyz!
Bul qasıetti de qasterli mereke barlyq býyndy biriktiredi, keıingi urpaq maıdangerlerdi maqtan tutady. Jeńis úshin kúresken jaýyngerlerdiń jaýjúrek batyrlyǵyna qurmet kórsetip, soǵysta qurban bolǵandardy qaıǵyra eske alady.
Aıtýly kúnge bel jazbaı ter tókken halyqtyń birligi men yntymaǵynyń, eli men jeriniń azattyǵy úshin jan pıda etken bozdaqtardyń qaısarlyǵynyń arqasynda qol jetti.
Bizdiń ortaq paryzymyz ben mindettimiz – osy Jeńistiń qandaı qıyndyqpen kelgenin árdaıym este saqtaý, jańa urpaqty qoǵamdyq kelisim men jalpyulttyq birlikke qurmetpen qaraýǵa tárbıeleý.
Qymbatty qazaqstandyqtar!
Jeńis kúni Qazaqstan tarıhynda jáne árbir azamattyń esinde máńgi qalady. Biz ardagerlerimizge zor alǵys aıtyp, shynaıy qurmet pen qoshemet bildiremiz. Sizderge basymyzdy ıemiz jáne zor densaýlyq, uzaq ǵumyr tileımiz! Úılerińizde árqashan beıbitshilik pen tynyshtyq ornasyn!
Bizdiń aıqyn maqsatymyz – Uly dala eliniń ıgiligi úshin ómir súrip, eńbek etýge degen izgi nıetke toly bolsyn!
Sizderge, týǵandaryńyz ben jaqyndaryńyzǵa qýanysh, baqyt, amandyq tileımiz!
Dańqtaryńyz arta bersin, qymbatty ardagerler!
Qazaqstan halqy Assambleıasy
