Qaıǵyly oqıǵa 10 mamyr kúni tapa tal túste «Gazmashapparatýra» baý sharýashylyǵy aýdanynda oryn aldy. Itin qutqaramyn dep 12 jasar qyz sýǵa qarǵyp tústi. Qyz bala sýǵa bata bastady. Batyp bara jatqan balany kórip, kishi serjant E. Raıymqulov esh oılanbastan qyzdy qutqarýǵa kirisedi. Alaıda, ózi sýdan shyǵa almaı qalady. Erlannyń artynan áıeli men kámeletke tolmaǵan eki balasy qaldy. Qaza bolǵan áskerı qyzmetshiniń áriptesteriniń aıtýynsha, ol óz qyzmetin jaqsy kórdi jáne óz isiniń naǵyz mamany boldy. Ol únemi joǵary jaýapkershilik, tártiptilik, áskerı qyzmetke degen adaldyqpen erekshelenetin. Jaýyngerlik jáne memlekettik-quqyqtyq daınydyq pánderi boıynsha úzdik nátıjeler kórsetip, oǵan senip tapsyrylǵan áskerı tehnıkany úlgili ustaıtyn. Dostary men jaqyndary ony qaıyrymdy jáne ózgelerdiń problemalaryna beı-jaı qaramaıtyn adam retinde esterine alady. Ol qamqor áke, keremet otaǵasy boldy. Ákesiniń batyl erligin maqtan tuta alatyn eki uldy ósirdi. Qorǵanys mınıstrliginiń basshylyǵy, Áýe qorǵanysy kúshteriniń qolbasshylyǵy jáne QR Qarýly Kúshteriniń barsha jeke quramy qaza bolǵan áskerı qyzmetshiniń týysqandary men jaqyndarynyń qaıǵysyna ortaqtasyp, kóńil aıtady. Erlannyń erligi árbir qazaqstandyq úshin úlgi bolyp tabylady. О́ıtkeni, janqııarlyq pen batyldyqty qyzmettik mindetti oryndaý kezinde ǵana emes, sonymen birge, kez kelgen ómirlik jaǵdaılarda tanytýǵa bolady.
