Shtab basshysy Álı Bektaevtyń aıtýynsha, partııa saılaýaldy úgit-nasıhat jumystaryn daıyn. Buǵan deıin arnaıy semınar-trenıngter uıymdastyrlyp, shtab mamandary úgit-nasıhat júrgizýdiń erejelerimen tanysyp shyqty. Al zańgerler partııa múshelerine «Saılaý týraly» zańnyń baptaryn túsindirdi. Úgit-nasıhat jumystaryna qajetti plakattar, ún-paraqtar men partııanyń baǵdarlamasy basyldy. «Búginnen bastap «Aýyl» halyqtyq-demokratııalyq patrıottyq partııasy usynǵan kandıdat Tóleýtaı Sataıuly Raqymbekovtyń shtaby jumys isteı bastady. Respýblıkalyq qoǵamdyq shtabtan bólek, 17 óńirde 17 óńirlik shtab qurylǵan. Árbir qala men aýdanda bizdiń ókilderimiz jumys jasaıtyn bolady»,- dedi Á.Bektaev arnaıy baspasóz máslıhatynda. Onyń sózine qaraǵanda, elimizdiń barlyq aımaqtarynda partııa úshin daýys berýge úgitteıtin toptar jumys jasaıdy. Qazir olarǵa kerekti nasıhat paraqshalary men saılaýaldy baǵdarlamasy bar kitapshalar jiberilip jatyr. «Búgingi tańda «Aýyl partııasy» saılaýaldy nasıhat jumystaryna daıyn. Barlyq sharalar zań aıasynda júrgiziletin bolady. Úgit-nasıhat kezinde aımaqtarǵa is-saparlar, jumysshy ujymdarmen kezdesýler, fleshmobtar men túrli aksııalar ótkizý josparlanǵan», - dep atap kórsetti Á.Bektaev.
