Rýhanııat • 13 Mamyr, 2019

Elordalyq oqýshylar Túrkistannan rýhanı azyq alyp qaıtty

751 ret kórsetildi

Nur-Sultan qalasyndaǵy №66 jaratylystaný jáne matematıka pánin tereńdetip oqytatyn mektep-lıseıiniń 10-shy synyp oqýshylary Túrkistan óńiriniń tarıhı jerlerinde bolyp qaıtty.


Synyptastarynyń demalys kúnderin tıimdi paıdalanýyna sebepker bolǵan Nursataı óz oıyn atasymen bólisipti. «Nemerem synyptastaryn qonaqqa shaqyratynyn aıtqanda atasy retinde oıyn qýattadym. Synyp jetekshisi Aıman Dóshkenqyzy balalardy uıymdastyryp alyp keldi. О́zge óńir balalaryna Túrkistannyń tarıhı jerlerin kórsetip, olardyń boıynda otansúıgishtik sezimdi nyǵaıtýdy maqsat ettik. El, jer taný arqyly saıahat jasaý jıi jalǵasyp jatsa balalar týǵan jerimen maqtanyp ósedi», deıdi Nursataıdyń atasy Túrkistan oblystyq máslıhattyń depýtaty Serikbaı Ibadýllaev.

Aldymen Shymkenttiń shetindegi Alpamys batyrdyń eskertkishine barǵan oqýshylar Sháýildirdegi  Otyrar memlekettik qoryq-mýzeıine, sosyn tarıhı qalashyq Otyrar tóbege, Arystan-bab kesenesine, Túrkistan qalasyndaǵy  Q.A.Iаsaýı kesenesine, Ýkash ata basyna baryp, sońynda Q.A.Iаsaýı atyndaǵy Qazaq-Túrik ýnıversıtetiniń tynys-tirshiligimen tanysty. Otyrardaǵy mýzeıde balalardy halyq aqyny Áselhan Qalybekova men  aýdan ákiminiń orynbasary Perdehan Japparqulov qarsy aldy. «Ál-Farabıdiń, Shámshiniń, О́zbekáliniń týǵan jerine keldińder. Babtardyń baby –  Arystanbabqa barasyńdar. Zııarattaryń qabyl bolsyn! Adamnyń  rýhanı qazynasy men materıaldyq qazynasy qatar bolsa qustyń qos qanaty sııaqty kedergisiz ushady eken. Al onyń bireýi kem bolsa bir qanatpen usha almaıdy. Sondyqtan, qos qanattaryń teń bolsyn!» dep aqyn apalary oqýshylarǵa izgi tilegin bildirdi. Balalardy, ásirese Otyrar qalasynyń ejelgi orny qyzyqtyrdy. «Tarıhı  tóbeniń aýmaǵy250 gektar. VII-XV ǵasyr aralyǵynda Orta Azııanyń astanasy bolǵan. Áli qazylmaǵan jeri qanshama. Búginde mundaǵy han saraıynyń aınalasy ǵana qorshalǵan. Keleshekte aspan astyndaǵy murajaı etý josparda bar. Qazir qalashyqqa jaqyn jerden qonaq úı jáne murajaı salynýda. Osy Otyrar qalashyǵynan tabylǵan zattar sol murajaıǵa qoıylatyn bolady», deıdi tarıhshy Baýyrjan Kamalov. 

Túrkistan óńiriniń tarıhymen tereń tanysqan astanalyq oqýshylar, turǵyndarynyń qonaqjaılylyǵyna rıza bolyp, qyzǵaldaǵyna qyzyqty. «Tarıh pen ádebıetten oqyǵandaryn kózben kórdi. Buǵan deıin oqýshylar mundaı saıahatqa shyqpaǵan edi. Erteń el tizginin ustaıtyn balalar qazirden atamekeniniń ár ólkesin bilip ósse deımiz. Osy sapardyń ózinen oqýshylar qanshama rýhanı azyq alyp qaıtady», degen Aıman Dóshkenqyzy osyndaı tanymdy saıahat uıymdastyrǵan jáne demeýshi bolǵan Serikbaı Ibadýllaevqa alǵysyn aıtty.


Sońǵy jańalyqtar

Uqsas jańalyqtar