Sondaı-aq, Mınıstr Almaty, Atyraý jáne Qyzylorda oblystarynyń densaýlyq saqtaý basqarma jetekshilerine onkologııalyq uıymdarda bas dáriger laýazymynda otyrǵan tulǵalardyń laýazymdyq orynǵa sáıkestigin kóterý týraly tapsyrma berdi.
Densaýlyq saqtaý mınıstrliginiń Farmasııa Komıteti tóraıymy Lıýdmıla Bıýrabekova óz baıandamasynda Farmasııa Komıteti júrgizgen onkologııalyq naýqastardy dári-dármekpen qamtamasyz etý jónindegi aýdıttiń qorytyndysy týraly baıandama jasady. Mınıstr Eljan Birtanov Farmasııa Komıtetiniń keshendi tekserisi nátıjesinde anyqtalǵan kemshilikterdi joıý úshin oblystar men qalalardyń densaýlyq saqtaý basqarma jetekshilerine, onkologııalyq uıymdardyń basshylaryna tapsyrma berdi.
Bıylǵy 19 mamyrǵa deıin farmasevtıkalyq Komıtettiń jetekshisi Lıýdmıla Bıýrabekovaǵa óńirlerdegi onkologııalyq naýqastardy dári-dármektermen qamtamasyz etýde ketken tártipsizdikter týraly jasalǵan jalpylama jazbany odan ári prokýratýraǵa jiberý úshin usyný tapsyryldy.
Osy otyrysta onkologııalyq naýqastardy erte dıagnostıkalaýdyń qoljetimdiligin arttyrý máselesi, onyń ishinde onkologııalyq aýrýǵa kúdikti naýqastardy kompıýterlik jáne magnıttik-rezonanstyq, klınıkaly-dıagnostıkalyq qyzmettermen qamtamasyz etý máseleleri qarastyryldy. Bul máseleni sheshý úshin 2019 jylǵa arnalǵan onkologııa jónindegi keshendi jospar aıasynda 1 592 804 myń teńge bólindi.
