Nur-Sultan qalasy Tótenshe jaǵdaılar departamenti (TJD) aýdan ákimdikterimen birlesip, materıaldyq qıyndyqtarǵa tap bolǵan qala turǵyndarynyń úılerinde 1 myńnan astam tunshyqtyrǵysh gazdyń ený qaýpin aldyn alatyn qurylǵyny tegin ornatty. Elordalyq TJD basshysynyń mindetin atqarýshy Marǵulan Amanbaevtyń habarlaýynsha, qalanyń jeke sektoryna taǵy 2,8 myń osyndaı datchıkter ornatý qajet.
«Biz kópbalaly otbasylar men zeınetkerler turatyn úılerge 1 062 (583 ýly gaz jáne 479 tútin) qurylǵylar ornattyq. Aqmola kóshesi, 30 turǵyn úıinde ornatylǵan tunshyqtyrǵysh gaz datchıginiń dabylynyń arqasynda úsh balasy bar áıel ýlanýdan aman qaldy», dep habarlady M.Amanbaev dúısenbide ótken ákimdiktiń otyrysynda.
Sonymen qatar, TJD qyzmetkerleri mamyrlyq merekeler ýaqytynda evakýasııalyq joldardyń jaı-kúıin anyqtaý úshin elordanyń oıyn-saýyq ortalyqtary men saýda úılerin aralap shyqqandyǵyn jetkizdi. .
Nur-Sultan ákimi Baqyt Sultanov saýda nysandary men oıyn-saýyq keshenderin tekserý jumystaryn jalǵastyrýdy jáne olardyń 100% qaýipsizdigin qamtamasyz etýdi tapsyrdy. Al astanalyq aýdandardyń ákimderi halyqtyń áleýmettik osal toptary turatyn jeke sektordaǵy úılerde tunshyqtyrǵysh gaz datchıkterin ornatý barysy týraly esep berip, Saryarqa aýdany boıynsha osy sanattaǵy azamattar gaz taldaǵyshpen tolyq qamtamasyz etilgenin aıtty. Qalǵan aýdandarda kesteden qalys qalý baıqalady. Mysaly, Esil aýdanynda mundaı datchıkter ornatylýy tıis 225 úıdiń (100-den qalys qalý) tek 50-de gaz datchıkteri bar.
Almaty aýdanynda 500 úıde, Baıqońyr aýdanynda 1 myń úıde gaz datchıkteri áli de ornatylmaǵan. Osyǵan baılanysty Baqyt Sultanov aýdan ákimderine jylý berý maýsymy bastalǵanǵa deıin kómekke muqtaj úılerde gaz taldaǵyshtar ornatýdy tapsyrdy.
