Halyqaralyq eńbek uıymynyń 100 jyldyǵyna arnaldy

Jıyndy ashqan vıse-premer Gúlshara Ábdiqalyqova álem­niń barlyq elderi men halyqara­lyq uıymdardyń kún tártibinde turǵan eńbek naryǵyndaǵy jahan­dyq syn-qaterlerdi atap ótti. «Qazaqstanda osy máselelerge den qoıýdyń júıeli sharalary qalyptastyrylyp, júzege asyrylýda. Qurylymdyq reformalar jos­parly túrde júrgizilip keledi. Halyq­aralyq ozyq táji­rı­bege jaqyndaý úshin EYDU stan­­dart­tary engizilýde», dedi G.Ábdi­­qalyqova. Onyń aıtýynsha, Úkimet aldynda aýqymdy mindetter tur: 2025 jylǵa qaraı laıyqty eńbekaqysy men qaýipsiz jaǵdaı qarastyrylǵan 1 mln-nan astam jumys ornyn qurý. Barlyq qyzmetkerdiń biliktilik deńgeıin arttyrý. О́mir boıy úzdiksiz oqytý úlgisine kóshý úshin jaǵdaı jasaý.

Osydan keıin sóz alǵan Eńbek jáne halyqty áleýmettik qorǵaý mınıstri Berdibek Saparbaev elimizdiń HEU baǵytyn, sondaı-aq ondaǵy Jahandyq komıssııasy­nyń bolashaq eńbek salasyndaǵy máselesi týraly usynymdaryn tolyq qoldaıtynyn jetkizdi. «Mınıstrlik jahandyq syn-qaterler men elde qalyptasqan úrdis­terdi eskere otyryp, Qazaq­stan eńbek naryǵynyń bolashaǵy týraly boljam ázirledi. Halyqtyń sany 2025 jylǵa qaraı 19,8 mln-ǵa deıin nemese 1,6 mln adamǵa ósýi múmkin. Jumys kúshiniń sany 6,7%-ǵa artyp, 9,8 mln adam­dy quraıdy (2017 jyly 9,0 mln)», dedi B.Saparbaev. Onyń máli­metinshe, ekonomıkadaǵy tehno­logııalyq jańǵyrtýdy eskersek, 2025 jylǵa qaraı kadrlarǵa degen qajettilik 570 myńnan astam adamdy quraıdy. Sondyqtan orta jáne joǵary bilikti jumys oryndarynyń sanyn 766 myńǵa arttyrý kózdelip otyr. Biliktiligi tómen eńbekke degen suranys qysqarady. Mundaı jumys oryn­darynyń sany ekonomıkanyń dástúrli salalaryn jańǵyrtý esebinen 530 myńǵa azaıady.

Sonymen qatar B.Saparbaev kon­ferensııa barysynda bir­qatar ekijaqty kezdesýler ótkizdi. Aıtalyq, О́zbekstan Respýb­lı­kasynyń Jumyspen qamtý jáne eńbek qatynastary mınıstri Sherzod Qudbıevpen júz­de­sti. Kezdesý kezinde Qazaq­stan men О́zbekstan Úkimetteri arasyndaǵy eńbekshi-mıgranttardyń eńbek qyzmeti men quqyqtaryn qorǵaý týraly 2019 jyldan 2020 jylǵa deıingi kezeńge arnalǵan kelisimdi iske asyrý jónindegi birlesken is-sharalar josparyna (jol kartasy) qol qoıyldy.

Jol kartasyn ázirleý týraly úkimetaralyq kelisim Qazaq­stan Prezıdenti Qasym-Jomart Toqaevtyń 2019 jylǵy 15 sáýirdegi О́zbekstan astanasy Tashkent qalasyna memlekettik saparynda jasalǵan. Jol kartasyna qol qoıý elder arasyndaǵy eńbek kóshi-qonyn retteý salasyndaǵy yntymaqtastyqty odan ári nyǵaı­týǵa yqpal etpek.

Úkimetaralyq kelisim sheń­berinde eńbekshi-mıgranttar qabyldaýshy memlekettiń zańna­masyna jáne eńbek shartynyń talaptaryna sáıkes basqa adamdar úshin qaýipti aýrýlarǵa arnalǵan tegin medısınalyq kómektiń kepildik berilgen kólemin alý quqyǵyna ıe. Eńbek mıgranttary úshin aqy tóleý jáne basqa da eńbek jaǵdaılary jumys berýshi men qabyldaýshy memlekettiń zańnamasyna sáıkes eńbek shartymen retteledi.

Kezdesý qorytyndysy bo­ıynsha mınıstrler vedomstvolar arasynda ornatylǵan iskerlik jáne dostyq baılanystardy jo­ǵary baǵalaıtynyn jáne qol qo­ıylǵan halyqaralyq qujat aıasynda odan ári yntymaqtastyqqa daıyn ekenin tilge tıek etti.

Budan bólek, B.Saparbaev BUU Halyqaralyq áleýmet­tik qamsyzdandyrý qaýymdas­tyǵynyń (HÁQQ) múshelik qyzmetteri men baılanysyn damytý departamentiniń dırektory Grem Mıntonmen kezdesti. Taraptar yntymaqtastyqtyń ózekti máselelerin talqylady. Kezdesýde mınıstr HÁQQ-men yntymaqtastyqtyń mańyzyn jáne basym baǵyttar boıynsha yn­ty­maqtastyqty odan ári keńeı­tý­­ge múddeli ekenin aıtty.

Halyqaralyq konferensııa barysynda qatysýshylar atalǵan taqyryptar tóńireginde jan-jaq­ty pikir almasty.

Aıta keteıik, Qazaqstan Halyq­aralyq eńbek uıymyna (HEU) 1993 jyldyń 31 mamyrynan beri múshe. HEU halyqaralyq eńbek normalaryn bekitýge jáne ony oryndaýǵa jaǵdaı týǵyzady, eńbek jáne áleýmettik máseleler boıynsha aqparat berip, saraptama jasaıdy.