Aımaqtar • 17 Mamyr, 2019

Túrkistan oblysynda 21 608 otbasyǵa 4,7 mlrd teńge AÁK tólendi

844 ret kórsetildi

Túrkistan oblysynda búgingi tańda 24 748 otbasyǵa ataýly áleýmettik kómek taǵaıyndalyp, 21 608 otbasyǵa 4,7 mlrd.teńge tólengen. Sonymen qatar, I toqsanda qaıta qaralyp, 15 422 otbasyna ataýly áleýmettik kómek kóbeıtile berilgen.

Bul týraly О́ńirlik kommýnıkasııalar qyzmetinde ótken brıfıngte oblys ákiminiń orynbasary Erbol Sadyr málimdedi. О́ńirde ataýly áleýmettik kómekke baılanysty Elbasy bastamalaryna sáıkes  arnaıy shtab qurylyp, áleýmettik karta jasalynǵan. «Áleýmettik karta boıynsha oblystaǵy 86,6 myń kópbalaly otbasynyń 19 myńy az qamtylǵan qataryna engizildi. Bıylǵy 1 sáýirden bastap ataýly áleýmettik kómekke júgingen 56,9 myń azamatqa zańdyq keńes berilip, oblys boıynsha qabyldanǵan 32 326 otbasy ótinishteri «E-halyq» aqparattyq elektrondyq júıege engizildi. Aǵymdaǵy jyly, engen ózgeristerge baılanysty shartty aqshalaı kómek 12 aıǵa, shartsyz aqshalaı kómek 6 aıǵa taǵaıyndalatyny kózdeldi. Bir otbasyǵa ataýly áleýmettik kómektiń aılyq mólsheri orta eseppen 100-150 myń teńgeni, jyldyq mólsheri 1,8 - 2 mln. teńgeni quraıdy. Osyǵan baılanysty, qomaqty qarjyny tıimdi paıdalaný úshin jáne óz isin ashyp, qosymsha tabys tabý maqsatynda oblysta az qamtylǵan azamattardy kásipkerlikke tartý boıynsha jumystar júrgizilýde», - dedi Erbol Sadyr.

Sondaı-aq oblys ákiminiń orynbasary ótken jyldyń tájirıbesi negizinde ataýly áleýmettik kómektiń birjolǵy tólemine basymdyq berip, atalǵan qarjy esebinen ázirlengen 15 kishi bıznes-joba iske asyrylyp jatqanyn atap ótti. «Nátıjesinde 2019 jyldyń 1 toqsanynda 400-ge jýyq otbasy óz isin ashty. «Atameken» Ulttyq kásipkerler palatasymen birlesip «Eńbek» memlekettik baǵdarlamasyna tıisti ózgerister engizilgennen keıin kópbalaly otbasylarǵa qaıtarymsyz 500 myń teńge memlekettik granttar beriletin bolady», - dedi oblys ákiminiń orynbasary. Oblysta kópbalaly otbasylarǵa arnalǵan «Yrys» mıkroqarjy uıymy tarapynan bir paıyzdyq 2 mln.teńgege deıin jeńildetilgen shaǵyn nesıe berilýde. Osy maqsatqa 100 mln.teńge qarjy bólingen. Budan bólek, bıyl respýblıkalyq bıýdjet esebinen 1248 otbasyn turǵyn úımen qamtamasyz etý josparlanyp otyr. Al oblystyq bıýdjetten halyqtyń osal toptaryna 44 turǵyn úıdiń (2309 páter) qurylysyna 7,3 mlrd. teńge bólindi. Erbol Sadyrdyń málimdeýinshe, kópbalaly otbasylardy turǵyn úımen qamtamasyz etý jumystary demeýshiler esebinen de júrgizilýde. Aǵymdaǵy jyly demeýshiler tarapynan 18 kópbalaly otbasy turǵyn úımen qamtylyp, 34,3 myń kópbalaly otbasyǵa 285 mln. teńgege qarjylaı jáne zattaı materıaldyq kómek kórsetilgen.


Túrkistan oblysy


Sońǵy jańalyqtar

Ulylar úndestigi

Qazaqstan • Keshe

Baǵa baqylanady

Qarjy • Keshe

Meıirim shuǵylasy

Rýhanııat • Keshe

Kedergisiz orta kerek

Qoǵam • Keshe

Sıfrly damý: Jańa betburys

Tehnologııa • Keshe

Mahabbat áýeni

О́ner • Keshe

Uqsas jańalyqtar