Sharaına
Senbi, 5 qańtar 2013 7:43
Araldardy qaıtarýdy talap etti
Argentına prezıdenti Krıstına Fernandes te Kırshner hanym Brıtanııa gazetterinde hat jarııalady. Onda ol Ulybrıtanııadan Folklend araldaryn qaıtarýdy talap etedi. Prezıdent óziniń talabyn Birikken Ulttar Uıymynyń sheshimin oryndaý qajettigimen túsindiredi.
Senbi, 5 qańtar 2013 7:43
Araldardy qaıtarýdy talap etti
Argentına prezıdenti Krıstına Fernandes te Kırshner hanym Brıtanııa gazetterinde hat jarııalady. Onda ol Ulybrıtanııadan Folklend araldaryn qaıtarýdy talap etedi. Prezıdent óziniń talabyn Birikken Ulttar Uıymynyń sheshimin oryndaý qajettigimen túsindiredi.
Kırshnerdiń bulaı sóıleıtin jóni bar. 1960 jyly BUU arnaıy qarar qabyldap, onda otarlaý saıasatyn onyń kez kelgen pishinderi men kórinisterinde toqtatý týraly málimdegen edi. Buǵan qosa, Argentına basshysy BUU Bas Assambleıasynyń 1965 jylǵy qararyn qaperge salady. Onda eki eldiń máseleni ýshyqtyrmaı, kelissóz arqyly sheshýleri tıistigi kóldeneń tartylady. Ulybrıtanııa premeri Devıd Kemeron problemany aral turǵyndarynyń ózderi referendým arqyly sheshsin deıdi.
Chavestiń densaýlyǵy nasharlaı tústi
Venesýela basshylyǵy el prezıdenti Ýgo Chavestiń densaýlyǵy nasharlap ketkenin habarlady. Ol Kýbada emdelip jatqan bolatyn. Eldiń aqparat mınıstrligi basshysynyń málimdemesinde Chavestiń ınfeksııa juqtyrýyna baılanysty jaǵdaıy aýyrlaı túskeni aıtylady.
Qazirgi kezde prezıdent ókpesi jasandy jeldetý apparatyna qosylǵan syńaıly. Al 58 jastaǵy Chaves ótken jyldyń 11 jeltoqsanynda qaterli isik aýrýyna baılanysty Kýba astanasy – Gavana klınıkalarynyń birinde ota jasatqan bolatyn. Keıbir derek kózderi Venesýela prezıdenti jasandy komada jatyr degendi kóldeneń tartady.
Qysqa qaıyryp aıtqanda:
AQSh memlekettik hatshysy Hılları Klınton aýrýhanadan shyqty. Ol oǵan ótken jyldyń 30 jeltoqsanynda mıy shaıqalýyna baılanysty túsken bolatyn. H.Klınton búginde 65 jasta.
Fransııada Baskilerdiń ulttyq «Batasýna» partııasy ózin-ózi taratyp jiberdi. Kórshi Ispanııada bul partııa ETA-nyń saıası qanaty bolyp sanalady jáne oǵan 2003 jyly tyıym salynǵan. Al ol Fransııada qyzmetin jalǵastyryp kelgen-tin.
Plastık ydystardyń ekologııaǵa zııany týraly az aıtylyp júrgen joq. Máselen, AQSh-tyń Massachýsets shtatyndaǵy Konkord qalasynyń turǵyndary 1 qańtardan bastap plastık bótelkege quıylatyn sý saýdasyna tyıym salýǵa qol jetkizdi.
AQSh-tyń Oregon shtatynda týrıstik avtobýs apaty saldarynan toǵyz adam opat bolyp, jyırmadan astamy jaralandy. Osyndaı jol-kólik oqıǵasy Reseıdiń Iаroslavl oblysynda oryn aldy. Onda úsh sheteldik avtokóliktiń soqtyǵysýy saldarynan jeti adam qaza tapty.
Jıyrma shııtti jaryp jiberdi
Irakta jankeshti jıyrma shııtti jaryp jiberdi. Oqıǵa Iraktyń ortalyq bóligindegi Ál-Mýsaııb qalasynda oryn aldy. Rólinde jankeshti otyrǵan mına qoıylǵan avtomobıl kisi yǵy-jyǵy avtobýs stansasyna baryp soǵylǵan.
Shııtter ózderi úshin qasıetti sanalatyn Kerbala qalasynan qaıtyp kele jatqan kórinedi. Olar onda ımam Hýseınniń qaza tapqanyn aza tutý aıaqtalýyna baılanysty barsa kerek. Muhammed paıǵambardyń nemeresi Hýseın 680 jyly Kerbaladaǵy soǵysta qaza tapqan eken. Osy oqıǵa shıızm men súnnızmniń yqtımal bóliný núktesi retinde qarastyrylady. Konfessııaaralyq dúrdarazdyq saldarynan elde jyl saıyn kóptegen beıbit turǵyn qaza tabady.
On bir adam – lańkestik qurbany
Sırııanyń astanasy – Damask qalasyndaǵy maı quıý stansasynda jasalǵan jarylys saldarynan kem degende 11 adam opat bolyp, 40-tan astamy jaralandy. Bul týraly «Reıter» agenttigi habarlady.
Jarylys Sırııada basym turatyn kópshilik – súnnıttermen qatar az kólemde ómir súretin ózge de dinı azshylyqtar ókilderi jınalǵan jerde jasalǵany belgili bolyp otyr. Al bul elde azamat soǵysy júrip jatqaly kóptegen aıdyń júzi boldy. Osy aralyqta Sırııada qaza tapqan adamdar sany 60 myń adamnan asyp ketti. Biraq soǵystyń aıaqtalar túri kórinbeıdi. О́ıtkeni, taıtalasýshy taraptar mámilege kele alar emes.
Nemisterden ótemaqy surap otyr
2009 jyly nemisterdiń avıasoqqysy saldarynan qaza tapqan Aýǵanstan azamattarynyń otbasylary Germanııadan ótemaqy talap etip otyr. Tutastaı alǵanda, Bremen zańgerleri 10 toptyq aryz túskenin qýattaıdy.
Avıasoqqyny jasaýǵa polkovnık Klıaın buıryq beripti. Ol janarmaı ákele jatqan júk kólikteriniń janynda kóptegen beıbit turǵyndar bar ekenine qaramastan osyndaı buıryq berýden tanbaǵan. Jarylys saldarynan 137 adam qaza taýypty. Endi olardyń otbasylary GFR-den jalpy somasy 3,3 mln. eýro kóleminde ótemaqy talap etip otyr. Ár adamǵa keltirilgen zardabyna baılanysty 30 myń men 90 myń eýro aralyǵynda ótemaqy suralady.
Zeınet jasyndaǵylarǵa oryn joq
Tájikstanda memlekettik qurylymdarda jumys isteıtin zeınetkerlerdi jumystan bosatqan jón dep sheshildi. Mundaı buıryq respýblıkanyń prezıdent apparatynan túsken. Ony bergen prezıdent apparatynyń basshysy Bahtıer Hýdoerov eken.
Joǵarydan kelgen hatqa sáıkes, memlekettik mekeme basshylary ótken jyldyń 25 jeltoqsanynan bastap, zeınet jasyna jetken adamdarmen eńbek shartyn toqtatýy tıis. Al bul sharanyń nátıjesi týraly basshylar 5 qańtarǵa deıin esep berýleri kerek kórinedi. Hat mınıstrlikter, basqa da memlekettik mekemeler, oblys, aýdan, qala ákimshilikteri basshylaryna jiberilgen.
Internet materıaldary negizinde ázirlendi.
