Aımaqtar • 20 Mamyr, 2019

Túrkistan oblysynda balamaly qýat kózderi kóbeıedi

1373 ret

kórsetildi

1 mın

oqý úshin

Túrkistan oblysyna qarjy quıýǵa ázir ınvestorlar balamaly qýat kózi sektoryna kóp qyzyǵýshylyq tanytýda. Mysaly, Arys qalasynda «KazGreenTekSolar» JShS-i men fransııalyq «ÝrboSolar» kompanııasynyń birlesken jobasy boıynsha kún sáýlesinen balamaly elektr energııasyn óndiretin stansanyń qurylysy júrgizilýde.

Ǵalymjan ELShIBAI

Jalpy aýmaǵy30 gektarjerdi alyp jatqan kún elektr stansasy 14 mVt elektr qýatyn óndiretin bolady. Jeke jáne Eýropalyq damý bankinen 7 mlrd. teńge qaralǵan stansa iske qosylǵanda 30 adam turaqty jumyspen qamtylmaq. Sondaı-aq kúni keshe Premer-Mınıstr Asqar Mamınniń Túrkistanǵa jumys sapary barysynda Energetıka mınıstrligi, Túrkistan oblysynyń ákimdigi jáne «Kazakhstan CHN-KZ electric industrial park group» qytaı kompanııasy arasynda 225 mln.$ somasyna Kentaý qalasynda qýattylyǵy 200 mVt bolatyn «Qotyrbulaq» jel elektr stansasy men kún elektr stansasyn salý jónindegi ózara túsinistik týraly memorandýmǵa qol qoıyldy. Túrkistan oblysynyń ákimdigi men «KazPV LTD» JShS arasyndaǵy 100 mln. dollar somasyna qýattylyǵy 100 mVt bolatyn kún elektr stansalaryn salý jóninde jasalǵan memorandýmnyń negizinde de elimizdiń 2050 jylǵa qaraı tutynatyn elektr energııasynyń 50 paıyzyn balamaly qýat kózderinen alý maqsaty jatyr.

Túrkistan oblysy