О́mirdiń sáni men máni
Seısenbi, 1 qańtar 2013 8:23
Adam balasynyń barlyǵy jyldan jaqsylyq kútedi. Men de sol ár kúnnen, ár aıdan, ár jyldan jaqsylyq kútken qarapaıym jandardyń birimin.
Elimiz táýelsizdik alǵaly, mine, jıyrma eki jańa jyldy qarsy alyppyz. Qudaıǵa shúkir, osy jyldardyń ishinde qazaq eliniń bereke-birligi jer-jahanǵa tanylyp, álem saıasatkerleriniń jyly lebizderine ıe bola bastady. Bul tabysqa, árıne, eldegi sarabdal saıasattyń da oń áseri boldy.
Seısenbi, 1 qańtar 2013 8:23
Adam balasynyń barlyǵy jyldan jaqsylyq kútedi. Men de sol ár kúnnen, ár aıdan, ár jyldan jaqsylyq kútken qarapaıym jandardyń birimin.
Elimiz táýelsizdik alǵaly, mine, jıyrma eki jańa jyldy qarsy alyppyz. Qudaıǵa shúkir, osy jyldardyń ishinde qazaq eliniń bereke-birligi jer-jahanǵa tanylyp, álem saıasatkerleriniń jyly lebizderine ıe bola bastady. Bul tabysqa, árıne, eldegi sarabdal saıasattyń da oń áseri boldy.
О́ıtkeni, ónbeıtin daýdan, bolmaıtyn sózden buqara halyq boıyn aýlaq salyp, naqty ispen, onyń ishinde eldiń ekonomıkasyn kóterýge belsene atsalysyp, eńsesin tiktep aldy. Sonyń nátıjesinde, eldegi bilim men ǵylym damyp, bir ǵana densaýlyq saqtaý salasynyń ózinde ulan-ǵaıyr jumys atqaryldy.
Elimizde halyq densaýlyǵyn kóterýge baǵyttalǵan memlekettik baǵdarlamalardyń júzege asyrylýy nátıjesinde, ásirese, júrek-qan tamyr aýrýlaryn emdeý salasy jaqsy nátıje bere bastady. Bul másele elimizde kardıohırýrgııany damytý boıynsha memlekettik baǵdarlama qabyldaý jónindegi tapsyrmadan bastaý alyp otyr. Osydan bes jyl buryn, ıaǵnı oblys ortalyǵyndaǵy kardıohırýrgııa ortalyǵy ashylǵannan búginge deıin klınıkada júrekke arnalǵan myńdaǵan otalar jasaldy. Tipti, sábılerge de kúrdeli hırýrgııalyq otalar jasala bastady. Bul jetistik emeı nemene?
Halqymyzda «Birinshi baılyq – densaýlyq, ekinshi baılyq – aq jaýlyq, úshinshi baılyq – on saýlyq» degen jaqsy sóz bar. Sol aıtqandaı, densaýlyq bolmasa aq jaýlyqtyń da, on saýlyqtyń da sáni men máni bolmaıdy. Sondyqtan bolar, Elbasy Nursultan Nazarbaevtyń «Qazaqstan-2050» Strategııasynda da eldiń eń birinshi baılyǵy – halyq densaýlyǵyn jaqsartý týraly basa aıtylǵan.
Dana halqymyz, taǵy bir qanatty sózinde «Jyly-jyly sóıleseń, jylan ininen shyǵady» deıdi. Sondaı-aq, úıine qapelimde kirip ketken jylannyń basyn aq quıyp, shyǵaryp jiberedi. Men de elimizdiń bosaǵasynan «basyma aq quıar ma eken» degen úmitpen kirip kele jatqan jańa jyl – Jylan jylynan ejelgi ata-babalar dástúrimen júregimdi jaryp shyqqan jyly sózimmen «Qazaqstan halqynyń densaýlyǵy myqty bolyp, jastary uzarǵan ústine uzara tússe eken» dep tileımin.
Seıithan JOShYBAEV,
Taraz qalasyndaǵy «Kardıohırýrgııa ortalyǵynyń»
dırektory, «Qazaqstan júrek-qan tamyrlary
hırýrgteri Assosıasııasynyń» tóraǵasy.
Jambyl oblysy.
