Saılaý • 24 Mamyr, 2019

Saılaýshylarǵa barlyq jaǵdaı jasalǵan

757 ret kórsetildi

Caılaýdyń taza, ashyq ári ádil ótýi belgili bir dárejede aýmaqtyq jáne ýchaskelik saılaý komıssııalary músheleriniń biliktiligine, qoldanystaǵy zańdardy jetik bilýine de baılanysty ekeni málim.

Bul oraıda Túrkistan ob­lysynda saılaý komıs­sııa­larynyń barlyq múshe­lerin kaskadtyq ádispen elek­­torattyq oqytý jumysy júrgizilgen. Arnaıy kýrs­tar­da oblys boıynsha bar­lyǵy 6 240 adam bilik­ti­likterin arttyrdy. Búginde bar­­­lyq aýmaqtyq saılaý ko­mıssııalarynyń tór­aǵa­lary men hatshylary, aýmaqtyq saılaý komıssııa­larynyń músheleri Mem­lekettik bas­qarý akademııa­synyń Shym­kent oqytý ortalyǵynda bi­liktiligin arttyrý kýrstarynan ótip, tıisti sertıfıkat alǵan. Al ýchaskelik saılaý komıssııalarynda qyzmet etetin azamattar jergilikti jerlerde arnaıy kýrstardan ótken. 

Oblystyq aýmaqtyq saı­laý komıssııasy tór­aǵa­synyń orynbasary Ámir­dın Álishevtiń aıtýynsha, saılaýǵa daıyndyq ju­mystary joǵary deńgeıde júr­gizilýde. Barlyq kandı­dattardyń oblys deń­geıinde jumys isteıtin se­nim­di ókilderi tirkelip, olarǵa tıisti kýálikteri tap­sy­rylǵan. Al jergilikti jer­lerde, eldi mekenderdiń tur­ǵyndarymen tikeleı ju­mys isteıtin senimdi ókilder aýdandyq, qalalyq aýmaqtyq saılaý komıssııalary tarapynan tirkeldi. Saılaý ýchaskeleri zaman talaby­na jáne Ortalyq saılaý komıssııasy bekitken nusqaýlyqqa saı qajetti qural-jabdyqtarmen qamta­masyz etilgen. Jergilikti atqarýshy organdar aýmaq­tyq saılaý komıssııalarymen birlese otyryp, úgit-nasıhat materıaldary ornalastyrylatyn oryndardy belgilegen. 

Sheteldik baıqaýshylar, ásirese, Eýropadaǵy qaýip­sizdik jáne yntymaqtastyq uıymy múmkindigi shekteýli azamat­tardyń daýys be­rýi máselesin nazardan tys qal­dyrmaıtyny má­lim. «Ortalyq saılaý komıssııasy múgedekterdiń daýys berý quqyǵyn júzege asyrýyna barynsha qolaıly jaǵdaı jasaý máselesine aıryqsha nazar aýdaryp otyr. Osy máselege qatysty nusqaýlyq ereje Ortalyq saılaý komıssııasynyń ar­naıy qaýlysymen beki­tildi. Túrkistan oblysynda tirkelgen 1 mıllıon 181 684 saılaýshynyń 67 741-i belsendi daýys berý quqyǵyna ıe múgedekter. Onyń 63 582-si saılaý ýchaskesine kelip daýys beredi. Biz osy azamattardyń quqyqtaryn qorǵaý úshin barlyq saılaý ýchaskelerin pandýstarmen jabdyqtadyq. Munan bólek saılaý ýchas­kelerinde múmkindigi shek­teýli azamattarǵa arnal­ǵan arnaıy kabınalar men buryshtar, sýrdoaýdarma­shylar, lýpalar men qulaq­qaptar, basqa da qajetti qural-jabdyqtar bolady. Sondaı-aq saılaý kúni ınvataksıler múmkindigi shekteýli azamattardy saılaý ýchaskelerine tegin ákeledi», deıdi Á.Álishev.

Saılaýdyń barlyq ta­lapqa saı ótýin qamtamasyz etý mindeti júktelgen jaýapty qyzmetkerlerdiń málim­de­ýinshe, oblysta saılaý­shy­lardyń ózderi qalaǵan kandıdatyna daýys berýine qajetti jaǵdaıdyń barlyǵy jasalǵan.

Túrkistan oblysy
Sońǵy jańalyqtar

Ulylar úndestigi

Qazaqstan • Keshe

Baǵa baqylanady

Qarjy • Keshe

Meıirim shuǵylasy

Rýhanııat • Keshe

Kedergisiz orta kerek

Qoǵam • Keshe

Sıfrly damý: Jańa betburys

Tehnologııa • Keshe

Mahabbat áýeni

О́ner • Keshe

Uqsas jańalyqtar