– Ýaqyt ótken saıyn áleýmettik salaǵa arnalǵan qarajat ulǵaıýda. Elbasy Nursultan Nazarbaev Joldaýynda turmys deńgeıin ósirý, tabys kólemin kóbeıtýden keıingi mańyzdy másele ekendigin atap ótti. Bul turǵydan alǵanda memlekettiń aldyna jańa mindetter qoıylyp otyr. Joldaýda strategııalyq naqty maqsat belgilengen. Bes jyldyń ishinde barlyq qarjy kózderinen bilim, ǵylym jáne densaýlyq saqtaý salasyna baǵyttalǵan somany ishki jalpy ónimniń 10%-na arttyrý josparlanǵan. Demek, 2018 jyldaǵy ishki jalpy ónimdi esepke alsaq, bul shamamen 5,9 trln teńge (17 mlrd AQSh dollary). Uzaq merzimdi ekonomıkalyq áserdi qarapaıym qazaqstandyqtar da sezip, ómir súrý sapasynyń óskenin baıqaıtyn bolady. Jańa múmkindikter ashylyp, sapaly medısına arzandaı túsedi, – dedi ol.
«Qoǵamdyq aýdıt» seriktestik platformasynyń, sol sekildi «Serpin» ulttyq bilim berý jáne ınnovasııa palatalarynyń tóraǵasy Murat Ábenovtiń sózinshe, tehnologııalyq úderister órlegen saıyn adamzattyń da suranystary kún sanap kóbeıip keledi.
– Álem úlken jańǵyrtý kezeńiniń aldynda tur. Aqpanda Dýbaı shaharynda ótken Úkimet ókilderiniń dúnıejúzilik sammıtine qatystym. Sonda nemis ekonomısi, «Tórtinshi ónerkásiptik revolıýsııa» kitabynyń avtory Klaýs Shvab aıtqan sóz esimde jattalyp qaldy. «Qazir memlekettik basqarý modeli jańarý ústinde. Jylma-jyl memleket basshylaryna, bılik ókilderine eldi basqarý ońaı bolmaı keledi. Sebebi ınternet keńistigi jahan jurtyn bir arnada toǵystyrdy. Soǵan baılanysty adamdardyń da qajettilikteri artyp, úkimetke qoıylǵan talap kúsheıdi» degen edi ol. Jýyrda «Amanat» azamattyq platformasyn qurdyq. Mundaǵy maqsat – aldaǵy kezekten tys prezıdenttik saılaýdy baqylaý. Biz halyqtyń eldegi saıası prosester jaıly pikirin surastyrdyq. Anyqtalǵandaı, kóbisi teń quqyqtardyń bolǵanyn qalaıdy. Qazaqstandyqtar áleýmettik tepe-teńdik saqtalsa, bılikpen dıalog qurýǵa ázir ekenderin bildirdi, – dedi ol.
Plenarlyq otyrysta kórshiles memleketter arasyndaǵy ıntegrasııalyq úderis týrasynda da biraz pikirler aıtyldy. Máselen, Qazaqstan halqy Assambleıasy Tóraǵasynyń orynbasary Sherzod Pýlatov 2019 jyl Qazaqstannyń О́zbekstandaǵy jyly atalyp, qos memlekettiń arasyndaǵy saýda-ekonomıkalyq baılanystyń órisi keńeıgenin tizip shyqty.
