Aımaqtar • 25 Mamyr, 2019

Túrkistan: aýyl kásipkerlerine tómen paıyzben 6,8 mlrd teńge beriledi

1141 ret

kórsetildi

1 mın

oqý úshin

Túrkistan oblysynda aýyl kásipkerlerin jeńildikpen qarjylandyrý jumysy nátıjeli júrgizilip keledi. Bıyl «Aýyl sharýashylyǵyn qarjylaı qoldaý qory» AQ Túrkistan fılıaly tarapynan 6,8 mlrd teńge zaem berý josparlanǵan. Onyń ishinde «Nátıjeli jumyspen qamtý» baǵdarlamasy aıasynda – 3,3 mlrd teńge qarastyrylǵan. Nátıjeli jumyspen qamtý qarajatyn qaıta ınvestısııalaý arqyly 725,3 mln teńge, qordyń jeke qarajatynan – 2,7 mlrd teńge bólý kózdelip otyr.

Ǵalymjan ELShIBAI

Túrkistan: aýyl kásipkerlerine tómen paıyzben 6,8 mlrd teńge beriledi

«Nátıjeli jumyspen qamtýdy jáne jappaı kásipkerlikti damytý» baǵdarlamasy aıasynda aýyldyq jobalardy qarjylandyrý maqsatynda 2019 jylǵy 1 qańtardaǵy jaǵdaı boıynsha 601 mln teńge somasyna 41 nesıe berilgen. О́ńirlik kommýnıkasııalar qyzmetinde ótken brıfıngte «Aýyl sharýashylyǵyn qarjylaı qoldaý qory» AQ Túrkistan fılıaly dırektorynyń mindetin atqarýshysy Talǵat Janısenov ótken jyly atalǵan baǵdarlama boıynsha oblysta 3 mlrd teńgege 700-den astam nesıe berilgenin atap ótti.

Qor aýyldyq jobalardy túrli baǵyttar boıynsha qarjylandyrady. Mysaly, «Igilik» baǵdarlamasy boıynsha iri qara mal, usaq mal, túıe, qus, bal aralaryn satyp alý qarastyrylǵan bolsa, «Kásipker» jobasy - aýyldaǵy barlyq bıznes túrlerin damytýǵa baǵyttalǵan.

Al «Nátıjeli jumyspen qamtýdy jáne jappaı kásipkerlikti damytý» baǵdarlamasy boıynsha nesıeler jyldyq 6% syıaqy stavkasy boıynsha beriledi. Qazirgi ýaqytta qordyń Túrkistan fılıalynda atalmysh baǵdarlama aıasynda ótinimderdi qabyldaý bastalǵan.

Túrkistan oblysy