Qaraǵandylyq jas sheberlerdiń týyndylary kópshiliktiń kóńilinen shyqty

Kórmede «Ala gúlder» beıneleý óneri, «Tvorchestvo» sándik-qoldanbaly óner jáne «Altyn marjan» balalar shyǵarmashylyǵy stýdııalaryndaǵy talant ıeleriniń qolynan shyqqan 790 kartına, sonymen qatar músinder men sándik-qoldanbaly jumystar kelýshiler nazaryna usynyldy.

Qurylǵanyna bıyl 75 jyl tolǵan «Ala gúlder» beıneleý óneriniń úlgili stýdııasy balalarǵa keskindeme, sýret, grafıka, músin, stanoktaǵy jáne qoldanbaly kompozısııalar sııaqty óner túrlerinen baǵyt-baǵdar  beredi. Qazirgi ýaqytta atalǵan stýdııada 4 jastan 18 jasqa deıingi 290 bala ózderine unaǵan ispen aınalysyp júr. 

«Tvorchestvo» sándik-qoldanbaly óner stýdııasynda balalar fıtodızaın, applıkasııa jasaý, saban toqý, toqý, keste tigý, shı toqyma jáne jasandy gúlder daıyndaýmen shuǵyldanady. Bul shyǵarmashylyq uıym  respýblıka kóleminde jaqsy tanymal ujymdardyń biri. Stýdııa oblystyq, respýblıkalyq konkýrstardy bylaı qoıǵanda, birneshe márte halyqaralyq baıqaýlarda top jarǵan.

Osydan segiz jyl buryn negizi qalanǵan «Altyn marjan» stýdııasy balalardy sýret negizderi, sıýjettik sýret salý, kvıllıng, vıtraj, pape-mashe, aǵashqa sýret salý, batık, panno, karnavaldyq maskalar, kádesyılar jasaý sııaqty paıdaly isterdiń qyr-syryn úırenýge baýlıdy. Bul jerde óner ıgerip júrgen jetkinshekterdiń qol jetkizgen tabysy da aıtarlyqtaı. Olar oblystyq jáne respýblıkalyq deńgeıdegi shyǵarmashylyq konkýrstarda talaı márte jeńimpaz bolǵan, júldeger atanǵan.

«Mundaı kórme uıymdastyrý ıgi dástúrge aınalyp keledi. Bul ıgi shara bolashaqtaǵy jańa juldyzdardy sheberliktiń bıik shyńyna shyǵarýǵa zor yqpalyn tıgizedi», degen senimdi pikir aıtady uıymdastyrýshylar. 

Qaraǵandy oblysy