Úıeńki japyraqtar eli ókiliniń Ulttyq hokkeı lıgasynda (UHL) jıǵan tájirıbesi bar. Ol 28 jasta. Boıy – 188 santımetr, salmaǵy – 91 kılo. Ár jyldary Korban Naıt «Kalgarı Fleımz», «Florıda Panterz» jáne «Fıladelfııa Flaıers» klýbtary sapynda óner kórsetti.
UHL-dyń turaqty birinshiliginde ol barlyǵy 52 oıyn ótkizip, 12 upaı jıdy. Iаǵnı tórt gol soǵyp, 8 márte nátıjeli pas berdi. Al Amerıka hokkeı lıgasynda (AHL) Naıt 299 ret muz aıdynyna shyǵyp, 179 (67 gol+112 pas) upaıǵa ıelik etti.
Osylaısha QHL-dyń 2019-2020 jyldardaǵy maýsymy qarsańynda «Barystyń» sapy tórtinshi jańa oıynshymen tolyǵyp otyr. Kanadalyq Korban Naıttan bólek, buǵan deıin jerlesterimiz Nıkıta Kleshenko men Leonıd Metalnıkov jáne Fınlııandııa quramasynyń shabýylshysy Iıro Pakarınen astanalyq klýbpen kelisimshartqa otyrǵan bolatyn.
