Buryn kóp baıqalmaǵan kóbelekterdiń kóbeıýi jurtshylyqtyń kóńilin alańdatqan. «Respýblıkalyq fıtosanıtarııalyq dıagonostıka jáne boljamdar ádistemelik ortalyǵy» memlekettik mekemesiniń agronom-entomolog mamany Asylhan Tosqynbaıuly odan qorqatyn eshteńe joq ekenin aıtady.
«Ony oshaǵanshy kóbelegi dep ataıdy. Ol dalalyq sanatyna jatqyzylady. Kóbelektiń atalǵan túri Qyzylorda oblysynyń eki shetindegi Aral jáne Jańaqorǵan aýdandarynan ózgesinde baıqalyp otyr. Ol Qyzylqum betkeıinen keldi degen boljam bar. Bul kóbelek myńjapyraq, túıetiken, saryqalýen, aqbasty jýsan jáne keıbir aǵashtyń japyraqtarymen qorektenedi. Oshaǵanshy kóbelegi tabıǵatqa zııansyz. Dese de, onyń qurttary aýyl sharýashylyǵyna zııan alyp kelýi múmkin. Qazir bul kóbelekter bizdiń óńirde qorek izdep júr. Olardyń qonystaný merzimi sáýir men qazan aılarynyń aralyǵyn qamtıdy», - deıdi ol.
Qyzylorda oblysy
