Jıynǵa Qazaqstan Respýblıkasynyń Tuńǵysh Prezıdenti – Elbasy N.Nazarbaev, Belarýs Respýblıkasynyń Prezıdenti A.Lýkashenko, Qyrǵyz Respýblıkasynyń Prezıdenti S.Jeenbekov, Reseı Federasııasynyń Prezıdenti V.Pýtın, Armenııa Respýblıkasynyń Premer-mınıstri N.Pashınıan qatysyp jatyr.
Sonymen qatar qatysýshylar qatarynda Eýrazııalyq ekonomıkalyq odaq janyndaǵy baqylaýshy memleket basshysy retinde Moldova Respýblıkasynyń Prezıdenti I.Dodon jəne qurmetti qonaq retinde Təjikstan Respýblıkasynyń Prezıdenti E.Rahmon da bar.
Jıynda memleket basshylary Eýrazııalyq ekonomıkalyq odaq jumysynyń ózekti məselelerin jəne odan əri damýdyń perspektıvalaryn, sonyń ishinde sıfrly kún tərtibi men Odaqtyń halyqaralyq qyzmetiniń negizgi baǵyttarynyń júzege asyrylýyn qarastyrady.
Sondaı-aq Eýrazııalyq ekonomıkalyq odaqtyń 2019-2020 jyldarǵa arnalǵan makroekonomıkalyq saıasatynyń negizgi baǵyttaryn talqylaıdy. Sammıt qorytyndysy boıynsha memleket basshylarynyń Joǵary Eýrazııalyq ekonomıkalyq keńes músheleriniń Eýrazııalyq ekonomıkalyq odaq jónindegi kelisimge qol qoıylýynyń 5 jyldyǵyna oraı birlesken məlimdemesi qabyldanady. Budan bólek birqatar halyqaralyq qujatqa qol qoıylady dep josparlanýda.
