Qasym-Jomart Toqaev bul sammıttiń Elbasy N.Nazarbaevtyń eýrazııalyq ıntegrasııa týraly ıdeıasynyń 25 jyldyǵy men Eýrazııalyq ekonomıkalyq odaqty qurý týraly Kelisimniń 5 jyldyq mereıtoılaryna oraı ótkizilip otyrǵanyn atap ótti.
– Qazaqstan Respýblıkasynyń Tuńǵysh Prezıdenti – Elbasynyń saıası jáne strategııalyq kóregendiginiń arqasynda eýrazııalyq ıntegrasııa ıdeıasy iske asty, – dedi Qazaqstan Prezıdenti.
Qasym-Jomart Toqaev Qazaqstan Respýblıkasynyń atynan Reseı Federasııasynyń Prezıdenti V.Pýtınge Elbasy N.Nazarbaevqa «Joǵary Eýrazııalyq ekonomıkalyq keńesiniń Qurmetti Tóraǵasy» ataǵyn berý týraly usynysy úshin jáne osy bastamaǵa qoldaý bildirgen Keńeske múshe-memleket basshylaryna alǵysyn bildirdi.
Qazaqstan Prezıdenti Reseı Federasııasynyń 2018 jylǵy Eýrazııalyq ekonomıkalyq odaqqa jasaǵan tóraǵalyǵyna joǵary baǵa berip, Armenııa Respýblıkasynyń tóraǵalyǵy da halyqaralyq uıymnyń nyǵaıa túsýine yqpal etetinine senim bildirdi.
Sonymen qatar, memleket basshylary Eýrazııalyq ekonomıkalyq odaqtyń ózekti máseleleri men aldaǵy damý perspektıvalaryna qatysty jáne 2019-2020 jyldarǵa arnalǵan negizgi makroekonomıkalyq saıasaty týraly pikir almasty.
