Jıynda B.Mamytalıev shahar kóshelerindegi bannerler, skrolldar, LED-ekrandar, bılbordtarynyń ornalasý tártibi jóninde sala jaýaptylarynyń usynystaryn tyńdady.
«Osy salany retteýge qatysty usynystarymyzdyń biri - syrtqy jarnamaǵa arnalǵan konstrýksııaǵa 3 jyldan 5 jylǵa deıingi merzimge jer berý. Bul - jer jalǵa alýshylarǵa tıesili bolatynyn bildiredi. Qazir kásipkerlerdiń usynystaryn kútemiz. Qalamyzda osy salada 20-dan astam kásipker jumys isteıdi. О́kinishke qaraı, kezdesýge olardyń 5-i ǵana keldi. Eger aıtarlaryńyz bar bolsa, sońǵy jobaǵa engizý úshin barlyq usynystaryńyzdy jınaqtap, "Atameken" UQ ShF arqyly sáýlet basqarmasyna joldańyz. О́ıtkeni, bıznesińizdi damýy osyǵan baılanysty bolmaq», deıdi Baýyrjan Mamytalıev.
Jalpy alǵanda, búgingi tańda Shymkentte syrtqy jarnamanyń 80 paıyzdan astamy erejege saı kelmeıdi. Tehnıkalyq sharttardy saqtamaı ornatylǵan bılbordtar jıi kezdesedi. Sondyqtan qala ákiminiń orynbasary Shymkentte syrtqy jarnama ornalastyrý boıynsha jańa ereje kúshine enetindigin aıtty.
