Túrki tildes álemniń rýhanı astanasy – Túrkistan qalasy tarıhynyń, folklorynyń, mádenıetiniń halyqaralyq órkenıettegi mańyzdylyǵyn aıqyndaý, tájirıbe almasý jáne pikir bólisýdi maqsat etken konferensııaǵa Túrkistan oblysynyń ákimi О́mirzaq Shókeev, Q.A.Iаsaýı atyndaǵy HQTÝ rektory Bolatbek Abdrasılov, Marmara ýnıversıtetiniń doktory, professor Jengız Tomar, Halyqaralyq Túrik akademııasynyń ǵylym bóliminiń aǵa sarapshysy, professor Qadyraly Qonqobaev, О́zbekstan Ǵylymdar akademııasynyń professory Sarygúl Bahadyrova, Q.A.Iаsaýı atyndaǵy HQTÝ-dyń Iаsaýıtaný ǵylymı-zertteý ortalyǵynyń dırektory Dosaı Kenjetaı syndy ǵalymdar qatysty.
Oblys ákimi О́mirzaq Estaıuly qasıetti Túrkistannyń álemdik tarıhtaǵy ornyn zertteýdi maqsat tutqan halyqaralyq konferensııa jumysyna sáttilik tilep, Elbasynyń «Uly dalanyń jeti qyry» maqalasy aıasynda qolǵa alynǵan is-shara óńirdiń rýhanı-ǵylymı salasyn jańa satyǵa kóteredi degen senimin bildirdi. «Túrkistan qalasynyń túrki álemindegi ornyn ǵylymı turǵydan tarazylaıtyn bul konferensııanyń mańyzy zor. Túrki halyqtary úshin Túrkistan qalasynyń tarıhtaǵy orny árqashan da qasterli. Elimizdiń Tuńǵysh Prezıdenti N.Á.Nazarbaev «Uly dalanyń jeti qyry» atty maqalasynda «Qazaqstannyń ejelgi astanasy halqymyzdyń rýhanı ortalyǵy ǵana emes, sondaı-aq, búkil túrki álemi úshin kıeli oryn bolyp sanalady» dep atap ótti. Baýyrlas elderdiń ortaq tarıhynda Túrkistan - kıeli meken, Qoja Ahmet Iаsaýı túrki halqynyń ustazy retinde dáriptelgen. Iаsaýı jatqan jer «baqyttyń astanasy» retinde tanylǵan», – dedi oblys ákimi О́mirzaq Shókeev.
Sondaı-aq ǵylymı konferensııada halyqaralyq Túrkologııa akademııasynyń professorlyq-oqytýshylyq quramy men Túrkııa, Qyrǵyzstan, О́zbekstan eliniń professor - ǵalymdary «Uly dalanyń jeti qyry: túrki mádenıetin damytýdyń ózektiligi», «Qasıetti Túrkistan jáne dinı sakraldy qundylyqtar», «Ejelgi massagetter: Tomırıs jáne qaraqalpaq halyq eposy «Qyryq qyz», «Q.A.Iаsaýıdyń mádenı murasy», «Iаsaýı, «pır-Túrkistan» túrik eliniń ustazy», «Áziret Sultan» tarıhı-mádenı qoryq-murajaıy týraly» taqyryptarynda baıandama jasady.
Konferensııa aıasynda sheteldik jáne otandyq ǵalymdardyń qatysýymen plenarlyq májilis jáne seksııalyq otyrystar ótti. Atap aıtsaq, seksııalyq otyrystarda «Q.A.Iаsaýıdiń álemdik mádenıettegi orny men taǵylymy», «Túrkistan – túrki dúnıesiniń kıeli mekeni, rýhanı temirqazyǵy», «Túrkistan – Uly jibek joly boıyndaǵy iri qolóner men mýzyka ortalyǵy», «Túrkistan-túrki áleminiń genezısi» taqyryptary qamtyldy.
