Búginde Qazaqstan aýmaǵynda jumys istep turǵan hımııa ındýstrııasyndaǵy kásiporyndardyń uzyn sany 700-ge taqaý. Onyń ishinde iri keshenderdiń sany 10, ortasha kompanııalar 13, qalǵan 670 usaq mekemeler sanalady. Al osy salada eki qolǵa bir kúrek tapqan halyqtyń sany 16 myń adamdy quraıdy.
«Qazfosfat» JShS tehnologııalyq jelini jańǵyrtý arqyly fosforlyq mıneraldy tyńaıtqyshtardy shyǵarýdaǵy óndiristik qýatty 400 myń tonnaǵa deıin arttyrǵan.
Byltyrdan beri «QazAzot» AQ óndiristi ártaraptandyrý baǵytynda kúrdeli mıneraldyq tyńaıtqyshtar sehyn jańartý jobasyn iske asyryp jatyr. Atalǵan jumys 2020 jylǵa qaraı aıaqtalýy tıis. Quny 56,1 mlrd teńge bolatyn bul joba iske asyrylsa, jylyna 400 myń tonnaǵa deıin mıneraldy tyńaıtqysh óndirmek.
Budan basqa «Dostyq Polımer» JShS, «Interrın» ǵylymı-óndiristik kásiporny» JShS, sondaı-aq «RımKazAgro» JShS syndy 7 joba iske qosylyp, 870 jumys ornyn ashý kózdelgen. Onyń jalpy somasy – 60,8 mlrd teńge.
Jaqsylyq MURATQALI,
«Egemen Qazaqstan»
