Qazaqstan Respýblıkasynyń О́zbekstandaǵy elshisi Darhan Satybaldy О́zbekstan Respýblıkasynyń Olıı Majlıs Senatynyń tóraǵasy Nıgmatılla Iýldoshevpen kezdesti.
Kezdesý barysynda N.Iýldoshev Qazaqstannyń qarqyndy damýyna joǵary baǵa berip, Tashkent Nur-Sultan qalasymen jan-jaqty qarym-qatynasty damytýǵa Ortalyq Azııa óńirindegi negizgi seriktesi retinde úlken mán beretinin atap ótti.
О́z kezeginde Elshi D.Satybaldy suhbattasyn Qazaqstandaǵy sońǵy saıası jáne áleýmettik-ekonomıkalyq ózgerister, atap aıtqanda aldaǵy prezıdenttik saılaý týraly habardar etti.
Qazaqstandyq dıplomat eki el kóshbasshylarynyń ózara túsinistigine negizdelgen birlesken jumystyń arqasynda elder ekijaqty jáne kópjaqty ózara is-qımyldy nyǵaıtýda joǵary nátıjelerge qol jetkizgenin atap ótti.
Osy oraıda eki eldiń zań shyǵarýshy organdary arasyndaǵy, onyń ishinde eki memleket Parlamentteri Palatalarynyń basshylary arasynda saparlar almasý arqyly yntymaqtastyqty damytýdyń mańyzdylyǵy aıtyldy.
Sondaı-aq Senat tóraǵasy qazaqstandyq dıplomatqa baýyrlas elder arasyndaǵy qatynastardy odan ári keńeıtý jolyndaǵy jumysyna tolaǵaı tabystar tiledi.
