Al 2019 jyly aýyl sharýashylyǵynyń jalpy ónim kólemi 18 mlrd teńge naqty ındeks kólemi -104,6% quraıdy dep josparlanýda. Sońǵy derekterge sáıkes, oblystaǵy 4 túlik mal basynyń sany 803 000, qus sany 46000 basqa jetip, aldyńǵy jyldyń kórsetkishimen salystyrǵanda 9,3% artqan.
- Jalpy oblysta 2081 sharýa jáne fermer qojalyǵy jáne 59 000 úı sharýashylyǵy tirkelgen. Aýyl sharýashylyǵyn damytý jáne sharýa qojalyqtaryna qarjylyq qoldaý kórsetý maqsatynda «Aýyl sharýashylyǵyn qarjylaı qoldaý qory» AQ arqyly 2018 jyly 233 aýyl sharýashylyǵy sýbektisine 952,5 mln teńge mólsherinde, «Agrarlyq nesıe korporasııasy» AQ arqyly 117 aýyl sharýashylyǵy sýbektisine 1,45 mlrd teńge mólsherinde, «Nur-Kapıtal» baǵdarlamasy boıynsha 4 aýyl sharýashylyǵy sýbektisine 76 mln teńge mólsherinde mıkronesıe berildi. Sondaı-aq «MańǵystaýAgroServıs» JShS arqyly 32 aýyl sharýashylyǵy sýbektisine 114,3 mln teńge mólsherinde lızıngke (taýarlyq nesıe) berildi. Oblysymyzdyń tabıǵı ereksheligine baılanysty, egin sharýashylyǵyn damytýdaǵy negizgi sheshim - jylyjaı sanyn arttyrý. 2018 jyly óńirdegi jylyjaılardyń jalpy kólemi 24 ga, al, 2019 jyldyń 1 toqsany boıynsha 27,4 ga qurap otyr. Bıyl jalpy jylyjaılar kólemin 31 ga (29%) ulǵaıta otyryp, 2022 jylǵa qaraı bul kórsetkishti 3 esege deıin jetkizý josparlanýda. Al aýyl sharýashylyǵy ónimderin qaıta óńdeýmen aınalysatyn 29 kásiporyn jumys istep tur dedi Serik Qaldyǵul.
Jıyn sońynda aımaq basshysy qala jáne aýdan ákimderine oblystyq statıstıka mekemesimen birge aýyl sharýashylyǵy salasyndaǵy jumys istep turǵan sharýa qojalyqtary men kásiporyndardyń naqty sanyn anyqtaýdy, sonymen qatar, aýyl sharýashylyǵy maqsatynda paıdalanýǵa berilgen jer ýchaskeleriniń kólemin normatıvke sáıkestendirý sharalaryn alýdy tapsyrdy. Sonymen qatar óńirdegi agroónerkásipti keshendi túrde damytý úshin sala mamandarymen birlese otyryp, usynys ázirleýge shaqyrdy.
Mańǵystaý oblysy
