Bul týraly Aqparat jáne qoǵamdyq damý mınıstri Dáýren Abaev «Habar» arnasyndaǵy «Ashyq dıalog» baǵdarlamasynda aıtty.
«О́mirde túrli jaǵdaıdar bolady jáne memleket keıbir azamattar sanatynda ıpotekalyq qaryzdy óteýge kómektesýi qajet. Búginde Qazaqstanda memlekettik qarajat esebinen 25 myń ıpotekalyq nesıe boıynsha tólemaqy berý qarastyrylǵan», dedi mınıstr.
Olardyń jalpy kólemi shamamen 140 mlrd teńgeni quraǵan jáne onyń 48 mlrd teńgesin memleket ótegen.
«Meniń oıymsha bul muqtaj jandar úshin óte úlken qoldaý. Nesıeni tolyq syzyp tastaý - teris tájirıbe. Kópshiligi bul qaryzdy óteý memlekettik apparattyń moınynda dep esepteıdi. Shyn máninde bul salyq tóleýshilerge júk bolady. Ipotekalyq qaryzdy óteýdi talap etip, ereýilge shyǵatyndar arasynda óz esebin túgendep alǵysy keletin pysyqaılar da tabylady. Máselen, bireýler qala shetindegi bir bólmeli páter qaryzyn tóleı almaı qınalsa, keı adamdar Almatynyń qymbat aýdanyndaǵy kottedj nemese tórt bólmeli páteriniń qaryzyn jaýyp alǵysy keledi. Jyldar boıy tirnektep jarna jınap, mańdaı terimen bank aldyndaǵy qaryzyn óteıtin azamattar da bar», dep óz sózin túıindedi D. Abaev.
