Foto: Gradel Muyisa Mumbere / Reuters
Oqıǵa Rvampara qalasynda bolǵan. Marqum bolǵan jergilikti fýtbolshynyń jaqyndary onyń denesin aýrýhanadan kúshpen alyp ketýge tyrysqan. Buǵan deıin olar Eboladan qaıtys bolǵan adamdardy qaýipsiz jerleý rásiminen bas tartqan. Mamandar mundaı sheshim aýrýdyń taralý qaýpin arttyratynyn eskertip, marqumnyń denesin berýden bas tartqan.
Marqumnyń anasy ulynyń Eboladan emes, ish súzeginen qaıtys bolǵanyna senetinin aıtyp, týystarymen birge medısınalyq palatkalarǵa órt qoıǵan. Shabýyl kezinde alty naýqas qaýipsiz jerge kóshirilgen.
Buǵan deıin Dúnıejúzilik densaýlyq saqtaý uıymy Kongonyń soltústik-shyǵysynda Ebolanyń órshigenin habarlaǵan bolatyn. Osydan kóp uzamaı jańa dert belgileriniń Eýropada da paıda bolǵanyn jazǵan edik.
