Foto: Ashyq derekkóz
Platforma ókilderiniń aıtýynsha, bul bastama jyl boıy shákirtterge bilim berip, qoldaý kórsetken muǵalimderdiń eńbegin baǵalaýǵa baǵyttalǵan.
Vırtýaldy gúl jiberý úshin paıdalanýshylar BilimClass júıesindegi arnaıy gúl belgishesin basyp, qajetti muǵalimdi tańdap, tilegin jazyp jibere alady.
«Endi árbir oqýshy ustazyn jyldam ári shyǵynsyz quttyqtaı alady. Gúl shoǵyn syılaý úshin oqýshylar men ata-analar BilimClass platformasyndaǵy gúl belgishesin basyp, muǵalimderdi tańdap, olarǵa júrekjardy tilegin jazyp jibere alady. Naýqan 26 mamyrǵa deıin jalǵasady. Ol kúni muǵalimder barlyq gúl shoqtaryn alyp, oqýshylarynan kelgen hattardy oqı alady», deıdi BilimClass ónim jetekshisi Farhat Úsen.
Qazir platformany Qazaqstannyń 13 óńirinde 2,2 mıllıon oqýshy jáne 300 myńnan astam muǵalim paıdalanyp keledi.
Endi muǵalim oqýshyǵa tek sabaq kezinde jaýapty: Májilis jańa zańdy maquldady
Jobany sıfrlyq bilim berý tehnologııalary salasynda 15 jyldan astam tájirıbesi bar Bilim Group ázirlegen. Kompanııa ekojúıesine OnlineMektep, BilimLand, BilimKids, Kitap.kz jáne basqa da servıster kiredi.
Aıta keteıik, Qazaqstan boıynsha bıyl 215 myńnan astam oqýshy mektep bitiredi.
