Kórshi el delegasııasyn Horezm oblysy hokımynyń birinshi orynbasary Kýdratbek Igambergenov bastap keldi.
«Biz óńirlik deńgeıde jumys jasaýǵa daıynbyz. О́zbek bıznesmenderin áriptestikke shaqyramyn. Qyzyljar– Qazaqstandaǵy eń qunarly aımaqtardyń biri. Birlesken jobalardy júzege asyramyz degen senimdemin», degen Qumar Irgebaıuly Reseıdiń úsh oblysymen shektesetin óńirde aýyl sharýashylyǵy jaqsy órkendep kele jatqanyn jetkizdi. Jylyna bes mıllıon tonnadan astam astyq jınalady. 2017 jylǵa qaraǵanda О́zbekstanmen aradaǵy saýda-sattyq kólemi 55 prosentke ulǵaıdy. Kóbine bıdaı eksporttalady. Ol jaqtan maqta-mata ónimderi, jemis-jıdek ákelinedi. .
Horezm oblysy hokımynyń birinshi orynbasary Kýdratbek Igambergenov ózbek taraby ózara yntymaqtastyqty óristetýge daıyn ekendigin jetkizdi.
«Qazaqstan– О́zbekstan úshin senimdi strategııalyq seriktes. Bizdiń tarıhymyz ortaq. Birlesken jobalardy júzege asyrýdy barynsha qoldaımyz», dedi Kýdratbek Igambergenov.
Onyń aıtýynsha, atalmysh oblys Orta Azııadaǵy kóne aımaqtardyń biri. Syrtqy taýar aınalymy 242 mıllıon AQSh dollaryn qurasa, onyń 72 mıllıony Qazaqstanǵa tıesili. Jylyna 250 myń tonna maqta, 490 myń tonna bıdaı, 1 mıllıon tonnadan astam kókónis óndiriledi. Úrgenish, Hıýa sekildi qalalar týrıstik ortalyq sanalady. Byltyr úsh myńdaı qazaqstandyq demalyp qaıtqan.
