Qoǵam • 03 Maýsym, 2019

Taǵdyr talqysyna túsken jan

744 ret kórsetildi

Osy jylǵy 27 aqpan kúni tańǵy saǵat 6:10 shamasynda Taraz qalasyndaǵy Myńbulaq shaǵyn aýdanyndaǵy №9 úıde gaz jarylyp, biraz adam zardap shekken bolatyn. Tipti oqys oqıǵanyń saldarynan opat bolǵandar da bar. Atalǵan qaıǵyly oqıǵa, qaraly habar Taraz jurtshylyǵynyń ǵana emes, elimizdiń ár túkpirindegi turǵyndardyń da eńsesin túsirgen edi. Árıne, bútin bir úıdiń dúmpýiniń qorqynyshynan jergilikti halyq kópke deıin aryla almady.

Jarylys oryn alǵan úıdiń №62 páterinde turatyn 32 jastaǵy Aıda Tólegenova – zardap shekken jandardyń biri. Tipti ony áýeli qaıtys bolǵan­dar­dyń sanatyna kirgizip, Qarataý qa­lasynda turatyn ata-anasyna qaraly habar da jiberip qoıǵan. Alaıda, Aıda bassúıeginen zaqym alyp, ózi aman qalypty. Jýyrda Aıdanyń anasy Gúlzahıra Bólegenova habarlasyp, óziniń ýájin jetkizdi. Sonymen qatar aq halatty abzal jan­darǵa degen alǵysyn da aıtty. 

Aıdanyń 5 jasar Qaraqat degen qyzy bar eken. Kúıeýi joq. 25 kún boıy aýrýhanada ómir men ólimniń ara­synda arpalysyp jatqan Aıdanyń densaýlyǵy qazir de birqalypty emes. Úsh ret ota jasatqan olar endi taǵy bir otany kútýde. Áýeli ja­rylys bolǵanda qutqarýshylar Aı­dany jańylysyp Taraz qalalyq ba­lalar aýrýhanasyna jatqyzypty. Keıin­nen qaıtys bolǵan ózge qyzben ony ta­ǵy da shatastyryp, qaıtys bolǵan dep esepteıdi. Alaıda, Aıdany sol aýrý­hanada jumys isteıtin Saıat de­gen synyptasy tanyp qalyp, bir­ge oqyǵan qyzdarǵa habar beredi. So­dan keıin ǵana Aıda Tólegenova №1 Taraz qalalyq aýrýhanasyna jetki­ziledi. «Jambyl oblystyq densaýlyq saq­taý basqarmasynyń basshysy Ma­rat Jumanqulov, №1 Taraz qala­lyq aýrýhanasynyń bas dárigeri Nur­lan Ábildaev, orynbasary Erbol Orda­bekov, bólim meńgerýshisi Gamzat Mu­saev, neırohırýrg Baqytjan Turar­uly jáne ózge de azamattarǵa alǵys aı­tamyn. Qyzymnyń densaýlyǵyna jaqsy qarap, qoldan kelgen kómek­terin aıaǵan joq. Bul kisiler kún, tún demeı Aıdanyń janynda bolyp, den­saýlyǵynyń birshama túzelýine sep­tigin tıgizdi», deıdi anasy G.Bóle­genova.

Búginde Taraz qalalyq ákimdigi búlingen úıdi qaıta qalpyna keltirýge ýá­de berip otyr. Tıisti jumystar bas­talyp ta ketti. Alaıda, G.Bólegenova qyzy Aıdanyń ol úıge endi barǵysy kel­meıtinin aıtady. «Qarataý qala­synan kezinde «Aıda» naýbaıhanasyn ashyp, sol jerde jumys istep jú­rip osy páterdi qyzyma alyp ber­genmin. О́zi Tarazdaǵy «Nuraı» ba­labaqshasynda jumys atqaryp júr­di. Eshkimniń basyna bermesin, eki jyl buryn jalǵyz ulymnan aıryldym. Endi Aıdanyń jaǵdaıy mynadaı boldy. Qyzym qazir ol úı­de turmaq túgili janynan ótýge qor­qady. Meniń jalǵyz tilegim, sol páter­di ákimdik ózderine alyp, bizge sondaı eki bólmeli páter berse boldy. Osy oıymdy aıtýǵa oblys ákimi Asqar Myrzahmetovtiń qabyldaýyna da jazylyp qoıdym. Bizdi ákimdik qol­damasa, basqa kim qoldaıdy», deıdi ol.

Jalǵyz qyzynyń jaǵdaıyna jany aýyrǵan ana kúnara 100 shaqyrym joldy artqa tastap, taksı jaldap Qarataý qalasynan keledi eken. Sebebi Taraz qalasynda turatyn úı joq. Al Myń­­bulaq shaǵyn aýdanyndaǵy eki­ bólmeli úıiniń eki bólmesiniń de edeni tolyǵymen jerge túsip ketken. Qysqasy, amaly taýsylǵan ana osy jaǵdaıdy aıtyp Taraz qalasy ákiminiń orynbasary Beısenbek Jan­bosynovtyń qabyldaýyna barady. Alaıda, ákimniń orynbasary ýájge qulaq aspaı, keri qaıtarady. «Ol kisi ornynan atyp turyp «Senderge gaz­dy jaýyp júrińder degenmin. Gaz­dy men jarǵan joqpyn. Turamyn de­seńder, úsh bólmeli páter bar. So­nyń eki bólmesinde bireýler turyp ja­tyr. Bir bólmesi bos. Turamyn de­seńder turyńdar sonda. Eki aıdan beri qaıda júrsiń» dep, ózime dúrse qoıa berdi. Bir Aıdanyń ózine alty adam qaraımyz. Eki aıdan beri men ońyp júrgen joqpyn ǵoı», deıdi ol. G.Bólegenovanyń endi qalalyq ákim­dik eski úıdi ózderi alyp, ornyna basqa páter berse degen tilegi bar. En­digi úmitti oblys ákiminen ǵana kú­tip otyr.


Jambyl oblysy
Sońǵy jańalyqtar

Jigittermen kúsh synasqan arý

Ulttyq sport • Búgin, 08:43

Qytaıdan qalyp qoıdyq

Sport • Búgin, 08:42

Tabystary – 2 117 000 dollar

Sport • Búgin, 08:40

Sınsınnatıdegi týrnır bastaldy

Sport • Búgin, 08:38

Úzdik qurylysshylar marapattaldy

Qoǵam • Búgin, 08:37

Olımpıadadan keıingi oılar

Sport • Búgin, 08:35

Jarys qyzǵan shaǵyna jetti

Sport • Búgin, 08:34

Tehnopark tegin oqytady

Qoǵam • Búgin, 08:32

Balalarǵa arnalǵan startaptar

Qoǵam • Búgin, 08:30

Julynqurt laboratorııasy áshkerelendi

Aımaqtar • Búgin, 08:27

«Talgodaǵy» talan-taraj

Qoǵam • Búgin, 08:25

Shalǵaıdaǵylar shaǵym aıtady

Bilim • Búgin, 08:22

Jańa mektepter kóbeıedi

Bilim • Búgin, 08:20

Jalbyz ben jaýynqurt ósiredi

Qoǵam • Búgin, 08:17

Moıynqumda mańyzdy máseleler aıtyldy

Aımaqtar • Búgin, 08:13

Jańa Qazaqstan – sheteldikter kózimen

Saıasat • Búgin, 08:10

Qamystan óndirilgen qumsheker

Aımaqtar • Keshe

Erlikke toly eńbek

Qazaqstan • Keshe

Shıraz bulbuly

Ádebıet • Keshe

Ata jurtta

Ádebıet • Keshe

Oqý men oqymaý hám talǵam

Ádebıet • Keshe

Abaı oblysynyń aty ozdy

Aımaqtar • Keshe

Uqsas jańalyqtar