Bárimizdi beıbitshilikke bólegen
Senbi, 27 sáýir 2013 2:23
Men kóp balaly anamyn. Jubaıym Juparhan ekeýimiz 7 bala tárbıelep ósirip, ulymyzdy uıaǵa, qyzymyzdy qııaǵa qondyryp, 14 nemere-jıenniń qyzyǵyn kórip otyrǵan jaıymyz bar. Munyń bári – Qazaqstandy meken etken etnostardyń tatýlyǵynyń arqasy. Baqtan qaıda barasyń dep suraǵanda yntymaqqa baramyn dep jaýap bergen eken. Irgesi myqty eldiń tútini túzý ushady, yrysy ortaımaıdy, shańyraǵy shaıqalmaıdy. Qazaqstan halqy Assambleıasynyń mereıtoılyq sessııasynan osyny uqtym. Eldigimizdiń, memlekettiligimizdiń beriktigi tegi basqa bolǵanmen teńdigi bir, qany bólek bolǵanmen jany bir qazaqstandyqtardyń jarasty birligimen, jankeshti tirligimen ólshenetinin taǵy bir aıǵaqtap berdi.
Senbi, 27 sáýir 2013 2:23
Men kóp balaly anamyn. Jubaıym Juparhan ekeýimiz 7 bala tárbıelep ósirip, ulymyzdy uıaǵa, qyzymyzdy qııaǵa qondyryp, 14 nemere-jıenniń qyzyǵyn kórip otyrǵan jaıymyz bar. Munyń bári – Qazaqstandy meken etken etnostardyń tatýlyǵynyń arqasy. Baqtan qaıda barasyń dep suraǵanda yntymaqqa baramyn dep jaýap bergen eken. Irgesi myqty eldiń tútini túzý ushady, yrysy ortaımaıdy, shańyraǵy shaıqalmaıdy. Qazaqstan halqy Assambleıasynyń mereıtoılyq sessııasynan osyny uqtym. Eldigimizdiń, memlekettiligimizdiń beriktigi tegi basqa bolǵanmen teńdigi bir, qany bólek bolǵanmen jany bir qazaqstandyqtardyń jarasty birligimen, jankeshti tirligimen ólshenetinin taǵy bir aıǵaqtap berdi.
О́zgeler sekildi men de Elbasymyzdyń ultaralyq tatýlyq máselesindegi sheshimderi men syndarly qadamdaryna árkez tántimin. QHA-nyń HH sessııasynda sóılegen sózinde aıtylǵan usynystar qalyń jurtshylyq tarapynan qyzý qoldaý tabary sózsiz. «Tatýlyq pen turaqtylyq el ıesi retinde eń aldymen qazaqqa kerek. Qazaqtyń yntymaǵy men birligi myqty bolmaıynsha, memlekettiń tutastyq kelbetin saqtaý múmkin emes», degen salıqaly oılaryn óz aǵaıyndarymyz este ustaǵandary abzal.
«Basqa elde sultan bolǵansha óz elińde ultan bol» degen sózdiń, qoı ústine boztorǵaı jumyrtqalaǵan mamyrajaı tynyshtyqtyń, ortaq túsinistiktiń qadir-qasıetin ata-baba qonysyna kóship kelgennen keıin túsindim desem, asyra aıtpaǵanym bolar. О́zgeler sekildi biz de Qazaqstannyń táýelsizdigin asyǵa kúttik. О́z aldyna memleket bolǵannan keıin qalǵan ǵumyrymyzdy týǵan eldiń jelmen jarysa jelbiregen Kók baıraǵynyń astynda ótkizýdi jón kórdik. Aldymen shańyraqtyń kenjesi Jarqyn kóship keldi. Onyń sońynan taıly-tuıaǵymyzben basqalarymyz ilestik. Atamekenimiz qushaǵyn jaıa qarsy aldy. Syrttan kelgen aǵaıyndarǵa arnap salǵan Báıterek aýylynan baspana berildi.
Qazaqstannyń azamattyǵyn alǵanda qýanyshymyzda shek bolmady. Jarqynym úılenip, jeke otaý etip shyǵardyq. Qazaqstanda týǵan alǵashqy nemereme yrymdap Sultan esimin qoıdyq. Eshkimge salmaq salǵan joqpyz. Mal-qus ustaımyz. Ismerlikpen, qolónermen aınalysamyz. Muny táptishteı aıtyp otyrǵanym, Prezıdentimiz jer-dúnıege tarydaı shashylǵan aǵaıynnyń basyn qosý maqsatymen arnaıy baǵdarlama qabyldamasa, osyndaı uly armanymyz oryndalar ma edi? Shúbálimin. «Ashtyqta jegen quıqanyń dámi aýyzdan ketpes» degen. Jat jerde kóp júrip, týǵan Otanmen jylap qaýyshqan biz úshin beıbit ómir aıryqsha qymbat, óte qasterli. Halqymyzdyń sútteı uıyp, dáýletiniń tasyp otyrǵany – ulttyq kemel saıasattyń arqasy.
Bir shańyraq astynda birlik-berekemiz jarasyp, bir aýyl-bir qaýym bolyp ómir súrgenge eshteńe jetpeıdi!
Ýázıra ShUǴAIYP,
kóp balaly ana,
«Altyn alqa» ıegeri.
Soltústik Qazaqstan oblysy,
Qyzyljar aýdany,
Báıterek aýyly.
