Rýhanııat • 03 Maýsym, 2019

Gaýhar ana

3270 ret kórsetildi
Túrkistan qalasynan ońtús­tikke qaraı 4 shaqyrym jerde ornalasqan  Gaýhar ana kesenesine kelýshiler sany arta túsýde, kórshi elderden jıi kelip Quran baǵyshtaıtyndar kóp. Ǵulama Qoja Ahmet Iаsaýı­diń qyzy Gaýhar ana týraly ja­zylǵan ańyz-áńgimelerde emshilik qasıeti erekshe jan bolǵany aıtylady. Áli kúnge deıin kesenesiniń mańynda emdik qasıetteri bar artezıan sýy shyǵatyn qudyqtar kóptep kezdesedi. Kelýshilerdiń kóbi dertine shıpa izdep, talaı jandy emdep, aýrýynan aıyqtyrǵan qasıetti ananyń sharapaty tıse dep tileıdi. Emshilerdiń piri sanalatyn ananyń kesenesi búginde jańa keıipke enip, kóriktene túsken.

Tarıhı arhıtektýralyq qun­dy eskertkishterdiń biri sanalatyn Gaýhar ana beıiti 1989 jyldan «Áziret Sultan» memlekettik tarıhı-mádenı qoryq murajaıy qaramaǵyna engizilip, qorǵaýǵa alynǵan. Al 2015 jyly ananyń kishigirim beıitine «Áziret Sultan» qoryq-mýzeıi qaıta kesene turǵyzdy. Kesene aýmaǵy gúlzarlarmen abattandyrylyp, aǵash kóshetteri otyrǵyzylǵan bolatyn. Týrıster men qonaqtarǵa jaıly jaǵdaı jasaý búgin de kún tártibindegi basty máseleniń biri. Bul oraıda, Gaýhar ananyń qabir japqyshy jańartylyp, kilem men qonaqtarǵa arnalǵan tósenishter aýystyrylǵan. Sony­men qatar, kesene men qudyq sýy­na aparatyn aıaq jol boıyna arnaıy qumyralar ornatylyp, gúlder qondyrylǵan, aýla tas­tardan tazartylǵan.  «Byltyrǵy jyly kesenege kelýshilerge arnalǵan avtoturaq salynyp, aınalasy temir sharbaqpen qorshaldy. Qaýipsizdikti saqtaý maqsatynda beınekameralar ornatyldy. Bıyl atalǵan kesene aýmaǵynda abattandyrý jumystaryn júrgizý qarqyndy túrde jalǵasýda», deıdi Gaýhar ana kesenesiniń qoryqshysy Orazǵalı Saparbaev. 

Alys-jaqynnan aǵylatyn týrısterdiń legi kóp bolǵandyq­tan zamanaýı talapqa saı qyz­met kórsetý oryndary qaras­tyrylyp, kesene týraly úsh tilde jazylǵan aqparattyq taqtaısha ornatylypty. Sondaı-aq kesene mańyna Mádenıet jáne sport mınıstrliginiń qoldaýymen sapar ortalyǵyn salyp, týrıster úshin rýhanı mekenge aınaldyrý kózdelýde.


Túrkistan oblysy
Sońǵy jańalyqtar

Ulylar úndestigi

Qazaqstan • Keshe

Baǵa baqylanady

Qarjy • Keshe

Meıirim shuǵylasy

Rýhanııat • Keshe

Kedergisiz orta kerek

Qoǵam • Keshe

Sıfrly damý: Jańa betburys

Tehnologııa • Keshe

Mahabbat áýeni

О́ner • Keshe

Uqsas jańalyqtar