Elimiz úshin mańyzdy strategııalyq sheshimder qabyldanatyn osynaý ǵajap ǵımarat týraly kóptegen qyzyqty derektermen tanysqanyn aıtady. Jyloı aýdany, Turǵyzba aýylyndaǵy №4 M.Áýezov atyndaǵy orta mektebiniń 6 synyp oqýshysy Nurbolat Maratulynyń Nur-Sultan qalasyna alǵash ret kelýi.
«Maǵan Prezıdentpen kezdesýge barasyń degende erekshe qýandym. Aqordanyń ishin aralap, tanystyq. Qasym-Jomart Kemeluly balalarmen jeke sýretke túsip, birge áńgimelesti. Ol kisi óte qarapaıym kisi eken», deıdi Nurbolat. Nurbolat ozat oqýshy, «Qurmanǵazy-200 jyl» atty respýblıkalyq konkýrsynyń Gran-Prı ıegeri. «Maǵan alǵash dombyrany úıretken anam. Qazir dombyranyń 4 synybyn bitirdim. Otbasynda jeti adambyz», deıdi ol.
Al Aıana Jańbyrbaeva Atyraý qalasy №34 kópsalaly mektep gımnazııasynyń 10 synyp oqýshysy. Jastaıynan zerektigimen ustazdarynyń kózine túsken oqýshy gýmanıtarlyq pánderden alǵyrlyǵyn tanytyp, oblystyq, respýblıkalyq saıystarda júldeli belesterdi baǵyndyryp júr.
«Memleket basshysy elimizdegi talantty, úzdik oqýshylardy jınap, kezdesý ótkizdi. Jastarǵa úmit artatynyn aıtty. Bul sózi maǵan erekshe senim syılady, keleshekte myqty maman bolyp, elge eńbek etkim keledi. Osy rette ustazdarym men oblystyq bilim berý basqarmasynyń bas mamany Aınagúl Jumaǵazıevaǵa alǵys bildiremin», deıdi Aıana.
