Indýstrııa jáne ınfraqurylymdyq damý mınıstri R. Sklıar el boıynsha 18,4 mln adamnyń 90,2%-y nemese 16,5 mln adam ortalyqtandyrylǵan sýmen jabdyqtalǵanyn baıandady. Qalalardaǵy turmys sapasyn arttyrý úshin bıyl osy kórsetkishti 97%-ǵa deıin, al 2023 jyly 100%-ǵa deıin arttyrý josparlanǵan.
Aýyldarda ortalyqtandyrylǵan sýmen 6,5 mln adam nemese 84%-dan astamy qamtylǵan. Bul rette, basqa aýyldar aýyz sý úshin jergilikti sý kózderin paıdalanady. Indýstrııa jáne ınfraqurylymdyq damý mınıstrligi 2019 jyly kórsetkishti 88%-ǵa deıin jetkizýdi jáne 2023 jyly halyqtyń 100%-yn tıisti ınfraqurylymmen qamtamasyz etýdi josparlap otyr.
«Halqynyń sany 200 adamnan az shaǵyn aýyldardy sanıtarlyq normalarǵa sáıkes keletin aýyz sýmen qamtamasyz etý maqsatynda sýdy tazartatyn keshendi blok-modýlder ornatý josparlanǵan, bul 1333 aýyldy sýmen qamtýǵa múmkindik beredi. Al turǵyndary 200 adamnan kóp 1 274 aýyl ortalyqtandyrylǵan sýmen qamtylatyn bolady. Osylaısha, 2 607 aýylda turatyn 1,2 mln adam sanıtarlyq normalarǵa saı keletin sýmen qamtý qyzmetimen qamtamasyz etiledi», — dedi R. Sklıar.
Bıylǵy sáýir aıynda ótken ekologııalyq máseleler jónindegi Qaýipsizdik keńesiniń otyrysynda QR Tuńǵysh Prezıdenti – Elbasy N. Nazarbaev qalalardaǵy kárizdik tazartý júıelerin jańǵyrtýdy tapsyrǵan bolatyn.
R. Sklıardyń aıtýynsha, osy mindetti oryndaý úshin QR IIDM kárizdik tazartý qondyrǵylaryn salýǵa bıýdjetten tys qarajat tartý tetigin ázirledi.
«Biz sarqyndy sýlardy tazartý normatıvterin eýropalyq standarttarǵa sáıkes keltirýdi usynamyz. Sarapshylardyń pikiri boıynsha, bul kúrdeli shyǵyndardy 30%-ǵa deıin qysqartýǵa múmkindik beredi. Bıogaz óndirý jáne tunbany qaıta óńdeý múmkindigi bar energııatıimdi tehnologııalar engiziletin bolady. Sonymen qatar memlekettik-jekeshelik áriptestik jobalaryn iske asyrýda turǵyndarǵa salmaq túsirmeý maqsatynda tarıfterdi sýbsıdııalaǵan durys. Bul qalalardaǵy káriz-tazartý júıelerin jańǵyrtýdy úsh jylda iske asyrýǵa múmkindik beredi», — dedi R. Sklıar.
Aýyl sharýashylyǵy mınıstri S. Omarov óz kezeginde О́ńirlerdi damytýdyń 2020 jylǵa deıingi memlekettik baǵdarlamasy sheńberinde toptyq sý qubyrlaryn paıdalaný, salý jáne rekonstrýksııalaý «Qazsýshar» respýblıkalyq memlekettik kásipornyna júktelgenin baıandady, bul kásiporyn teńgeriminde uzyndyǵy 12 myń shaqyrymnan asatyn 33 toptyq sý qubyry bar.
2011-2018 jyldary 1035 km jeli salynyp, 1441 km jeli rekonstrýksııalandy, bul 49 obektini paıdalanýǵa berýge múmkindik berdi. Sonyń nátıjesinde halyq sany 553 myń adamdy quraıtyn 268 aýyldyq eldi mekende sýmen jabdyqtaý jaǵdaı jaqsartyldy.
«Jalpy toptyq sý qubyrlaryndaǵy jelilerdiń tozý deńgeıi 75%-dan 56%-ǵa deıin qysqardy», — dedi S. Omarov. Búginde 2281 kı jelini rekonstrýksııalaý qajet.
Bıyl toptyq sý qubyrlary boıynsha 12 jobany iske asyrýǵa 14,6 mlrd teńge bólindi, onyń ishinde jyl sońyna qaraı 8 jobany aıaqtaý josparlanyp otyr. Sonyń nátıjesinde 1185 km jeli salynyp, rekonstrýksııalanyp, jalpy halyq sany 126,8 myń adamdy quraıtyn 68 eldi mekende sýmen jabdyqtaý júıesi jaqsartylady.
Budan ózge, tapsyrys berýshiniń barlyq toptyq sý qubyrlaryn jáne olarmen jalǵasqan aýyldardaǵy kent ishindegi jelilerdi salý men rekonstrýksııalaý fýnksııasyn Biryńǵaı operatorǵa bekitip beriledi.
Sonyń nátıjesinde sýdy jetkizý ony toptyq sý qubyrlarynan sýbsıdııalanǵan tarıfpen satyp alyp, halyqqa ústeme qunmen satatyn deldaldardy boldyrmaı, sýmen jabdyqtaý kózinen bastap túpkilikti tutynýshyǵa deıin kórsetiletin bolady.
