24 saǵat

Sársenbi, 30 qańtar 2013 7:51

Burnaǵy kúni Brazılııanyń Santa-Marııa qalasyndaǵy túngi klýbta bolǵan órt saldarynan 231 adam qaza tapqany bel­gili. Osy qaıǵyly oqıǵaǵa baılanysty elde 3 kúndik qa­ra­ly kún jarııalandy. Kóz jum­ǵandardyń jaqyndary bı­likke kinálilerdi ádiletti jaza­laý kerek degen talap qoıyp otyr.

Sársenbi, 30 qańtar 2013 7:51

Burnaǵy kúni Brazılııanyń Santa-Marııa qalasyndaǵy túngi klýbta bolǵan órt saldarynan 231 adam qaza tapqany bel­gili. Osy qaıǵyly oqıǵaǵa baılanysty elde 3 kúndik qa­ra­ly kún jarııalandy. Kóz jum­ǵandardyń jaqyndary bı­likke kinálilerdi ádiletti jaza­laý kerek degen talap qoıyp otyr.

Nıderland patshaıymy Bea­trıks taǵyn úlken uly, 45 jastaǵy hanzada Vıllem-Aleksandrǵa beretin boldy. Bul týraly patshaıym ultqa teleúndeýinde jarııa etti. Beatrıks 31 qańtarda 75 jasqa tolady. Ol taqqa anasy Iýlıanadan keıin 1980 jyldyń 30 sáýirinde otyrǵan bolatyn.

Germanııa kansleri Angela Merkeldiń kabınetinde Ger­man Gerıngtiń kolleksııasynan kilem bar ekeni belgili boldy. Bul jóninde «Deılı Tele­graf» agenttigi habarlady. Ba­sy­lymnyń derekterinshe, par­sy kilemi nasıster ekinshi dú­nıejúzilik soǵys ýaqytynda ur­laǵan 600-den astam óner tý­yndylarynyń biri bolyp tabylady.

О́zbekstan 40 kúnge  sozylǵan úzilisten keıin Reseıge tabıǵı gaz jiberý úderisterin qaıta jalǵastyrdy. Eksport ótken jyldyń 16 jeltoqsanynda toq­tatylǵan bolatyn. О́zbek jaǵy bul qadamǵa kúnniń kúrt sýýyna baılanysty óz qajettilikterin qanaǵattandyrý úshin barǵanymen túsindirgen edi. «Gazprom» ótken jyldyń qorytyndysy boıynsha Ortalyq Azııa elderinen 33 mlrd. tekshe metr gaz satyp alypty.

Iranda sheteldik BAQ-­tardyń jergilikti bólim­she­le­rimen baılanysta bolǵan 14 jýrnalıst tutqyndaldy. Olardyń 9-y er adam bolsa, 5-ýi áıel. Jýrnalısterdiń naqty kimder ekeni aıtylmaı­dy. Jalpy, Iranda óz jýr­nalısterimen kúres júrgizilip kele jatqaly biraz boldy. 2000 jyldan beri elde 120-dan astam gazet jabylsa, olardyń  ondaǵan redaktorlary men qyzmetkerleri túrmelerge jabylǵan.

Senator Anatolıı Lyskov Memdýmaǵa depýtattardyń óki­lettikterin sottyń sheshiminsiz-aq joıatyn zań jobasyn engizdi. Bul jerde áńgime birinshi kezekte depýtattardyń zańǵa qaıshy árekettermen, atap aıtqanda, bıznespen aınalysýlaryna qatysty bolyp otyr. О́ıtkeni, zań kez kelgen kommersııalyq qyzmetke tyıym salady.

Túrkııa «Anka» dep atalatyn ushqyshsyz ushatyn jańa ushý apparatyn qabyldaý synaǵynan ótkizýdi aıaqtady. Atalǵan apparatty jasaý 2009 jyldyń sońyna taman qolǵa alynǵan bolatyn. Endi ony áskerılermen serııalyq óndiriske qoıý týraly kelisim-shart jasalmaqshy.

О́zbekstan Qyrǵyzstanmen shekaradaǵy temir jol ótkizý beketin ashty. Biraq tolyqtaı emes. Qyrǵyz jáne ózbek tarapy endi basqa ótkizý beketterin qalpyna keltirý jumystaryn júrgizbek. О́zbekstan Qyrǵyz­stan­men shekaradaǵy temir joldy ústimizdegi jyldyń 21 qań­tarynda birjaqty negizde jaýyp tastaǵan edi.  Qyrǵyzdarǵa is júzinde kórshi memleketke ótýge tyıym salynǵan-tyn.

Aqparat agenttikteriniń materıaldary negizinde ázirlendi.