BASYMDYQTARYMYZDYŃ MAŃYZY JOǴARY

Albanııa Qazaqstannyń EQYU-daǵy tóraǵalyǵy bas­tamalaryna qoldaý bil­diredi jáne Astanamen ekijaqty qarym-qatynasty jan-jaqty damytýǵa daıyn. Albanııanyń astanasy Tırana qalasynda bolǵan Is basyndaǵy tóraǵanyń Arnaıy ókili, Qazaqstan Respýblıkasy Syrtqy ister mınıstriniń orynbasary Konstantın Jıgalovtyń kezdesýlerindegi áńgime ózegi osyǵan saıdy. Qazaqstandyq dıplomat Alba­nııaǵa Balqan túbegindegi elderge úsh kúndik sapary aıasynda bardy. Tıranada ol Albanııa Prezıdenti Bamır Topımen, Premer-mınıstri Salı Berıshpen, Syrtqy ister mınıstri Ilır Metamen jáne Sosıalıstik partııa tóraǵasy Edı Rammen kezdesti. Birlesken baspasóz máslıha­tynda Albanııa Syrtqy ister mı­nıstri I.Meta Qazaqstan tóraǵa­lyǵy kezinde berilgen basymdyq­tardyń mańyzyn erekshe atap kór­setti. Onyń ishinde EQYU-nyń ále­ýetin arttyryp, tıimdi­li­gin joǵa­ry­latý, sondaı-aq jan­jaldar­dyń al­dyn alyp, beıbit retteý máseleleri bar. Qazaq­stannyń Aý­ǵanstandy turaqtan­dyrýǵa úlesiniń mańyzy da atap ótildi. Osy rette Albanııanyń ótken jyldyń sáýi­rinen bastap NATO-ǵa múshe bolyp tabyla­ty­nyn, qazirgi kezde Aýǵan­standaǵy halyqaralyq ISAF mıs­sııasyna óz úlesin qosyp otyrǵa­nyn aıta ketken jón. Sapar barysynda kezdesýge qatysýshylardyń barlyǵy EQYU-nyń eldegi reformalardy qamta­masyz etýge qosyp otyrǵan joǵary úlesin atap kórsetti. K.Jıgalov Albanııa Syrtqy ister mınıstrli­giniń jáne ózge de barlyq ulttyq bılik organdarynyń EQYU-men aradaǵy yntymaqtastyq deńgeıine tereń qanaǵat sezimin bildirdi. Arnaıy ókil, sonymen qatar, suhbattastaryn Qazaqstannyń EQYU-daǵy tóraǵalyǵy kezindegi josparlarymen tanystyryp, osy jyldyń jazynda Almatyda ótki­zilýi josparlanyp otyrǵan mı­nıs­tr­ler deńgeıindegi beıresmı kez­de­sý týraly habardar etti. “Bul kez­de­sýler kóptegen mańyzdy máse­leler qatarynda Korfý prosesin, 1999 jylǵy Vena qujatyn, EQYU-nyń Aýǵanstanmen ózara is-qı­mylyn, t.b. máselelerdi talqylaýǵa tamasha múmkindik týǵyzady”, – dedi ol. Albanııa Qazaqstan tóraǵaly­ǵyn qyzyǵýshylyqpen baqylap otyr. О́ıtkeni, atalǵan el 2014 jyly EQYU-ǵa tóraǵalyq etýge umtylys tanytýda. “Bul Albanııa syrtqy saıasatynyń asa mańyzdy maqsattarynyń biri jáne osyǵan baılanysty biz qazirgi tóraǵa – Qazaqstan tarapynan yqpal etýdi suraımyz”, – dedi óz sózinde osy el Syrtqy ister mınıstri I.Meta. Osymen bir mezgilde ol tabysty tóraǵalyq úshin aıtarlyqtaı adamı, uıymdastyrýshylyq jáne qarjy resýrsy qajet ekenin moıyndady. Árıne, taraptar Qazaqstan-Albanııa yntymaqtastyǵynyń perspektıvalaryn da talqylady. Albanııa Premer-mınıstri ha­lyqaralyq forýmdar sheńberinde Prezıdent Nursultan Nazarbaev­pen óziniń kezdesýlerin jylylyq­pen esine aldy. Eki el arasyndaǵy dıplomatııa­lyq qarym-qatynas 1993 jyly ornaǵanyna qaramastan, Is basyn­daǵy tóraǵanyń Arnaıy ókiliniń bul jolǵy sapary Qazaqstannyń resmı delegasııasynyń Tıranaǵa alǵashqy sapary bolyp tabylady. EQYU Syrtqy ister mınıstrle­riniń osy jazda bolatyn Alma­tydaǵy beıresmı kezdesýi, sondaı-aq Uıym daıyndap jatqan Asta­nadaǵy joǵary deńgeıdegi sammıt Albanııanyń joǵary laýazymdy ókilderine Qazaqstanmen tanysý úshin jaqsy múmkindik bolmaq. Eýroodaqqa umtylyp otyrǵan Albanııa sońǵy jyldary belsendi ekonomıkalyq ósim deńgeıinen kórinip keledi. Jáne de bıznes­men­der men týrıster úshin aı­tarlyqtaı tartymdy el bola alady. Albanııaǵa saparynan soń Qazaqstan delegasııasy Cherno­go­rııanyń astanasy – Podgorısaǵa júrip ketti. Qazaqstannyń EQYU-ǵa tóraǵalyǵy delegasııasy úsh kúndik saparyn Bosnııa jáne Ger­segovınada bolýymen qorytyn­dy­laıdy. Talǵat JUMAǴULOV  – Tıranadan.