Belsendi ári bastamashyl jastar forýmyndaǵy negizgi oqıǵa - «Atameken Academy» biregeı platformasy jáne Ulttyq kásipkerler palatasynyń «Jas kásipker» bilim berý jobasynyń iske qosylýy edi.
– «Atameken Academy» elektrondy alańy – arqyly kásipkerler palatasyna tıesili «Bastaý», «Jas kásipker» «Bıznestiń jol kartasy» aıasynda jyl saıyn shamamen 40-50 adamdy kásipkerlikke oqytamyz. Onyń ishinde bul qyzmetterdi tek qaǵaz júzinde emes, elektrondy formatta, ıaǵnı Úkimettiń tapsyrysymen jasalyp jatqan bizdiń oqytý jobalaryna tirkelý múmkindigi bar. Sol sekildi oqytý kýrstary ınteraktıvti túrde júrgiziledi. «Atameken Academy» sol úshin de qajet. Bıyl elimizde Jastar jyly dep jarııalanǵandyqtan kásipkerlikke 100 myń adamdy jumyldyrýymyz kerek. Buǵan qosa 20 myń adamdy «Jas kásipker» jobasyna tartyp, keminde 5 myń startapty iske asyrýǵa jaǵdaı jasalady. Bul úshin qarjy operatorlarymen birlese jumys atqaryp, azamattarǵa baǵyt kórsetemiz, – deıdi «Atameken» UKP jappaı kásipkerlikti damytý jónindegi shaǵyn qarjylandyrý departamentiniń dırektory Baýyrjan Orazǵalıev.
Kreatıvti jastardyń quryltaıynda jas ta bolsa kásibin órge domalatqan tabysty jandar, nátıjeli keıster jáne bıznestiń tıimdiligin arttyratyn tyń oılaryn usyndy. Olardyń aıaq alysyn eldegi jetekshi qarjy ınstıtýttarynyń basshylary, tis qaqqan qarjygerler, tanymal kásipkerler, blogerler, sportshylar jáne medıa tulǵalar baǵalady.
Jaqsylyq MURATQALI,
«Egemen Qazaqstan»
