El ómirindegi taǵy da bir tarıhı sáttiń kýási boldyq. Qasym-Jomart Toqaevtyń ulyqtaý rásiminde alǵa tartqan negizgi máseleleriniń ishinde azamattardyń quqyǵyn aldyńǵy orynǵa qoıý, halyqtyń ál-aýqatyn jaqsartý, qoǵam damýyn turaqty etý jaıy kóńilimizge qondy. Bul máseleni júıeli túrde retteý úshin qoǵam men bılik arasyndaǵy dıalogty jolǵa qoıý mańyzdy.
Prezıdent alǵa tartqandaı, áýeli qoǵamǵa senim men kelisim kerek. Senim men kelisimdi qamtamasyz etýdiń arǵy jaǵynda saıası dıalog quryp, búkil qoǵamnyń, azamattardyń zańdy quqyqtaryn biriktiretin, toptastyratyn sol arqyly barsha uıymdarmen, meıli ol tirkelsin, tirkelmesin, eseptesip sanasý qajettigi tur. Sol toptarmen úlken mámilege kelip, Qazaqstanda jańa zamanǵa, jańa dáýirge qatysty saıası básekelestik pen belsendiliktiń oıyn sharttaryn ózgertýge tyń serpin berip, saıası zańnamaǵa qatysty, búkil qajetti degen saıası zańdardy qarap shyǵý qajet sııaqty. Iаǵnı, qoǵamdyq kelisim, qoǵam ishindegi ózara senim degen máselelerdi retteý úshin bizge jańa sıpattaǵy saıası alań, jańa sıpattaǵy saıası oıynshylar qajet.
Saıası partııalar, qoǵamdyq uıymdar, saılaý týraly zańdardy qaıta qarap, olardy álemdik, eýropalyq standarttarǵa jaqyndatý mańyzdy. Álemmen birge dóńgeleý úshin osy basym baǵyttardy basty nazarda ustaǵan abzal. Sol arqyly saıası belsendilikti jańa bıikke kótere alamyz.
Aıdos SARYM,
saıasattanýshy
