QURMETTI QAZAQSTANDYQTAR!
Bizdiń elimiz damýdyń jańa tarıhı kezeńine qadam basty.
Qazaqstandyqtar 2019 jylǵy 9 maýsymda ótken kezekten tys saılaýda biraýyzdan Qasym-Jomart Kemeluly Toqaevqa daýys berip, Qazaqstan Respýblıkasynyń jańa Prezıdenti etip saılady.
Bizder, Qazaqstannyń mıllıondaǵan azamattarynyń múddelerin bildiretin Demokratııalyq kúshterdiń «Qazaqstan-2050» Jalpyulttyq koalısııasynyń músheleri, elimizdiń jetekshi saıası partııalarynyń, Qazaqstan halqy Assambleıasynyń, iri qoǵamdyq birlestikterdiń, úkimettik emes uıymdardyń ókilderi,
Prezıdent saılaýynyń ashyq jáne básekelik sıpatyn joǵary baǵalaı otyryp;
qazirgi tańda búkil álem moıyndap, qurmetteıtin táýelsiz Qazaqstannyń qurylýyndaǵy Tuńǵysh Prezıdentimizdiń asa kórnekti rólin moıyndaı otyryp;
Qazaqstan halqy aldynda sińirgen eren eńbegi úshin Elbasyna zor qurmet pen alǵys bildire otyryp;
basty qundylyqtary Adam jáne onyń quqyqtary men bostandyqtary bolyp tabylatyn Qazaqstannyń egemendi, demokratııalyq, quqyqtyq jáne áleýmettik memleket retinde damýyna baǵyttalǵan Elbasynyń strategııalyq baǵytyn jalǵastyrýshy retinde qazaqstandyqtardyń saılanǵan Prezıdent Q.K.Toqaevqa degen joǵary senimin sezine otyryp;
bolashaq urpaq aldyndaǵy óz jaýapkershiligimizdi sezine otyryp, tarıhymyzdyń osy bir mańyzdy kezeńinde Qazaqstan halqyna jáne azamattyq qoǵam ınstıtýttaryna Úndeýimizdi joldaımyz.
Biz barlyq qazaqstandyqtardy yntymaqqa, birlikke jáne qazaqstandyq damý jolynyń basty qundylyqtary – qoǵamdyq kelisim men saıası turaqtylyqty, etnosaralyq jáne konfessııaaralyq beıbitshilik pen tózimdilikti saqtaýǵa shaqyramyz.
Biz barlyq qoǵamdyq-saıası kúshterdi saılaýdan keıingi kezeńde elimizdiń strategııalyq maqsattary jolynda birigýge shaqyramyz.
Biz Qazaqstan Prezıdentiniń el damýynyń ózekti máselelerine qatysty bılik pen azamattyq qoǵam arasynda turaqty jáne konstrýktıvti dıalog qurý bastamasyn qoldaımyz.
Biz jalpyulttyq dıalog jáne ózara qarym-qatynas ınstıtýty retinde Ulttyq qoǵamdyq senim keńesiniń jumysyna qatysýǵa daıynbyz.
Biz Qazaqstan Prezıdenti Q.K.Toqaev aıqyndap bergen elimizdiń damýyna qatysty basymdyqtar men jańa mindetterge sózimizben de, isimizben de qoldaý kórsetýge jáne Elbasynyń Táýelsizdikti kúsheıtýge, eldi júıeli jańǵyrtýǵa, árbir qazaqstandyqtyń ál-aýqatyn arttyrýǵa baǵyttalǵan saıasatyn birlesip jalǵastyrýǵa nıettimiz.
Biz tek birligimizben qoıylǵan barlyq maqsattarǵa qol jetkizip, ortaq Otanymyz ben elimizdiń barsha azamattarynyń ıgiligi men gúldenýin qamtamasyz etemiz!
Nur Otan partııasy, «Aq jol» demokratııalyq partııasy, Qazaqstan Kommýnıstik
halyqtyq partııasy, «Aýyl» halyqtyq-demokratııalyq patrıottyq partııasy,
«Birlik» saıası partııasy, «Qazaqstan Respýblıkasynyń kásipodaqtar
federasııasy» respýblıkalyq kásipodaqtar birlestigi, «Ardagerler uıymy»
respýblıkalyq qoǵamdyq birlestigi, Qazaqstan Respýblıkasynyń «Atameken» Ulttyq kásipkerler palatasy, «Qazaqstan kásipkerleriniń forýmy» zańdy tulǵalar birlestigi, «G-Global-dyń Halyqaralyq hatshylyǵy» qaýymdastyǵy» zańdy tulǵalar birlestigi, «Jasyl» ekonomıkany qoldaý jáne G-Global-dy damytý koalısııasy» zańdy tulǵalar birlestigi, «Qazaqstan ýkraındarynyń radasy» zańdy tulǵalar birlestigi, «Qazaqstannyń daǵdarys ortalyqtary odaǵy» zańdy tulǵalar birlestigi, «Qazaqstan Respýblıkasynyń Ulttyq ǵylym akademııasy» respýblıkalyq qoǵamdyq birlestigi, «Qazaqstan Respýblıkasynyń Ulttyq ınjenerlik akademııasy» respýblıkalyq qoǵamdyq birlestigi, «Jańarý» sybaılas jemqorlyqqa qarsy jalpyulttyq qozǵalysy» respýblıkalyq qoǵamdyq birlestigi, «Qazaqstannyń isker áıelderi qaýymdastyǵy» respýblıkalyq qoǵamdyq birlestigi, «Qazaqstan múgedekteriniń konfederasııasy» respýblıkalyq qoǵamdyq birlestigi, «Qarýly kúshter ardagerleri» respýblıkalyq qoǵamdyq birlestigi, «Respýblıkalyq áıelder keńesi» qoǵamdyq birlestigi, «Qazaqstannyń kásipker áıelderi odaǵy» qoǵamdyq birlestigi, «Qazaqstan Jazýshylar odaǵy» qoǵamdyq birlestigi, «Qazaqstan ardagerleri» qaýymdastyǵy, «Qazaqstan-2050» jalpyulttyq qozǵalysy, «Juldyz» balalar qoǵamdyq uıymdarynyń odaǵy» qoǵamdyq birlestigi, Qazaqstan Respýblıkasy Prezıdentiniń «Bolashaq» halyqaralyq stıpendııasy stıpendıattarynyń qaýymdastyǵy.
2019 jylǵy 13 maýsym,
Nur-Sultan qalasy
