Medısına • 15 Maýsym, 2019

Túrkistanda ınsýlt ortalyǵy ashyldy

329 ret kórsetildi

Túrkistan qalalyq ortalyq aýrýhanasynda «Insýlt ortalyǵy» men «Trıaj» júıesimen jabdyqtalǵan jańa qabyldaý bólimi ashyldy.

Aýrýhanaǵa jatyp emdelýge nemese tekserilýge kelgen naýqastar óz kezegin bilip otyrady. Aqparattyq kıosk – naýqastardyń týystary josparly jáne jedel túrde ózderi nemese jedel járdem brıgadasymen kelgen naýqastardyń qaı bólimshede qashan jatqanyn bilýge múmkindik jasalǵan. «Trıaj» júıesi boıynsha medısınalyq irikteý úzdiksiz jáne sabaqtastyqpen júrgiziledi. Bir pasıenttiń jaǵdaıyn baǵalaý prosesi 60 sekýndtan aspaıdy. Baǵalaý aıaqtalǵannan keıin pasıentter arnaıy túrli-tústi lenta túrindegi irikteý sanatynyń bir túsimen belgilenedi. Jedel járdem brıgadasy alyp kele jatqan naýqas týraly tolyq aqparat aýrýhananyń qabyldaý bóliminde kórinip turady.  Aýrýhananyń qabyldaý bólimindegi «SOS» baǵdarlamasy batyrmasyn basý arqyly dárigerlerdi jáne zerthana mamanyn shuǵyl kómekke shaqyrýǵa múmkindik beredi. Medısına salasynyń qyzmetkerleri keshendi medısınalyq aqparattyq júıesimen jumys isteıdi. Qazirdiń ózinde naýqastardyń barlyq qujattary elektrondyq túrde júrgizilýde.

Aýrýhananyń jumysymen tanysýǵa kelgen Túrkistan oblysy ákiminiń orynbasary Joldymurat Amanbaev pen oblystyq densaýlyq saqtaý basqarmasynyń basshysy Muqan Egizbaev joǵary sapaly CANON tehnologııasy negizinde ázirlengen «Aquilion Prime SP-160» kompıýterlik tomografy týraly keńirek aqparat aldy. Jabdyqtyqtyń erekshelikteri -  Aquilion Prime SP kompıýterlik rentgendik skaner 78 sm keńeıtilgen apertýraǵa ıe. Ekspozısııalyq baqylaý jáne ıteratıvti rekonstrýksııa sáýlelenýdiń durys deńgeıimen jaqsy sapadaǵy aıqyn keskinderdi alýǵa múmkindik beredi. Túrkistan óńiriniń turǵyndaryna endi  oblys ortalyǵynda zamanaýı jabdyqtyń kómegimen sapaly qyzmet kórsetiletin bolady.

Túrkistan oblysy

Sońǵy jańalyqtar

Bas teatrdaǵy balalar stýdııasy

О́ner • Búgin, 23:11

Altyn shynjyrdyń sońǵy shyǵyrshyǵy...

Rýhanııat • Búgin, 23:01

Tergeýshilerdiń ustazy ulyqtaldy

Aımaqtar • Búgin, 19:35

Reseı ınvestorlary Atyraýǵa bet burdy

Aımaqtar • Búgin, 16:56

Erteń Úkimet otyrysy ótedi

Úkimet • Búgin, 15:17

Qýatty qurylymnyń shýaqty merekesi

Qazaqstan • Búgin, 14:15

Naýryz aıynda aýa raıy qandaı bolady?

Aýa raıy • Búgin, 13:30

Uqsas jańalyqtar