Kúni keshe ótken aýdan ákimi apparatynyń májilisinde aýdan ákimi Baqyt Nasyrhanuly jańa basshyny apparat ujymyna tanystyryp, bastap jatqan qyzmetine sáttilik tiledi.
"Bilim salasynda 4 myńǵa jýyq ustazdar qaýymy qyzmet etýde. Aýdanymyzdaǵy 56 mektepte 27 myńnan asa oqýshylarymyz bar. Osyndaı úlken salaǵa basshylyq jasaý - úlken jaýapkershilikti talap etedi. Sondyqtan, jańadan bastap jatqan qyzmetińe tabys tileımin. Maqtaly ólkeniń bilim salasyn qarqyndy damytýyńa senim bildiremin!" - dedi B.Nasyrhanuly.
Serıkbaev Mýratbek Týlapovıch 1975 jyly OQO, Saryaǵash aýdanynda dúnıege kelgen. 1991-1996 jyldary О́zbekstan Respýblıkasy Gúlistan memlekettik ýnıversıtetiniń fılologııa fakýltetin qazaq tili men ádebıeti mamandyǵy boıynsha bitirgen.
Eńbek jolyn 1997 jyly Á.Jankeldın atyndaǵy orta mektebinde qazaq tili men ádebıeti pániniń muǵalimi bolyp bastaǵan. Keıinnen dál osy mektepte dırektordyń oqý isi jónindegi orynbasary, dırektordyń tárbıe isi jónindegi orynbasary qyzmetterin atqarǵan.
Maqtaaral aýdanynyń bilim bóliminiń basshysy memlekettik ákimshilik laýazymyna taǵaıyndalǵanǵa deıin Saryaǵash aýdanynyń bilim bólimine qarasty №100 Á.Jankeldın atyndaǵy jalpy orta mektep kommýnaldyq memlekettik mekemesiniń dırektory bolyp jumys istegen.
Maqtaaral aýdany ákiminiń baspasóz qyzmeti
