Aımaqtar • 18 Maýsym, 2019

О́zgeni zor sanaý – ózińdi qor sanaý

179 ret kórsetildi

«Mamandyqtyń jamany bolmaıdy. Alaıda san túrli sala maman­darynyń ishinde dáriger ataýyn alyp júrýdiń ózi jaýapkershilikti talap etedi. Sebebi adam saýlyǵyna tikeleı jaýap berýdiń ózi aq je­leńdi jandarǵa berilgen bólinbes enshideı», deıdi №6 qalalyq em­hananyń jalpy tájirıbelik dárigeri Taǵabek Serikbaev.

Bu­­rynǵy Ońtústik Qazaqstan oblysyna qarasty (qazirgi Túr­kistan oblysy) Saryaǵash aýda­ny, Keles aýylynda dú­nıege kelgen Taǵabek bala ke­zinen bul mamandyqqa kózi úı­re­nip er­jetipti. Sebebi anasy dári­ger, al ákesi veterınar bolyp eń­bek etti.

«Dáriger bolýyma birden-bir áser etken ata-anamnyń ma­sha­qa­ty kóp densaýlyq saqtaý salasynda eń­bek etýi boldy. 1992 jyly Tashkent oblysy, Jańa jol aýdany, Ý.Musaev aýylynyń №4 orta mektebin bitirdim. Úlken­derdiń úgitteýimen sol jyly Tashkent pedıatrııalyq medısınalyq ınstıtýtynyń Pedıatrııa fakýl­tetine oqýǵa tústim. Ol jyldary kór­shiles eldiń astanasyndaǵy ir­geli oqý ordasynyń ataǵy dúrkirep tur­ǵan kez edi. 1998 jyly atal­­ǵan mamandyqtyń oqýyn aıaq­ta­dym. Alǵashqy eńbek jolymdy Jańa jol aýdandyq balalar aýrý­hana­synda taǵylym­dama­dan ótýden bastap, dáriger atty ma­mandyqtyń mártebesin sezine bastadym», deıdi bilgir maman.

Qazaqstanda týyp, taǵdyr ja­­­zýy­men shetelde bilim alyp, eńbek jolyn bas­taǵan Taǵa­bek 1999-2013 jyldar araly­ǵynda Tash­kent oblysy, Záń­gi ata aýdany, «О́zbekstan» aýyl­dyq­ dárigerlik ambý­latorııa­synda pedıatr-dáriger, jalpy tá­jirıbeli dáriger, ambýlato­rııanyń bó­lim meń­gerýshisi qyzmetin atqardy. Bala aǵ­zasy­nyń ereksheligin, balanyń ta­­maq­tanýyn, gıgıenasyn, bala­lar aýrýlarynyń aldyn alý men ony emdeý joldaryn zertteı bastady. О́mir esigin jańa ashqan sábıden bastap, asyr salyp oınap júrgen óskinderge medısınalyq kómek kórsetý kezinde ózine ǵana tán emdeý ádisterin qol­­­danyp, talaı­ bal­ǵynnyń janyna arasha túsip­ti. «Kóbine aýrýdyń túri jańa týǵan sábıdiń anasymen durys jumys istemeýdiń saldarynan týady. Uzaq zertteý arqyly eń áýeli jańa týǵan nárestelerdi ana sútimen durys aýyzdandy­rýdy bas­ty nazarǵa alyp kele­min. Jas analarmen pikir­lesip, balanyń tábeti men demalysy týraly kóbirek málimet alyp, sol boıynsha em-dom jasaımyn», deıdi Taǵabek Serikbaev.

Araǵa jyldar salyp, «Kisi elin­de sultan bolǵansha, óz elińde ultan bol», degen babalar amanatyn ustanǵan Taǵabek 2013 jyly qarasha aıynda tarıhı otany Qazaqstanǵa, onyń ishinde Tashkentpen shekaralas Shymkent qalasyna kóship keldi.

Jas mamannyń boıyndaǵy qabi­letti kóre bilgen basshylar Taǵabek­tiń­ Shymkent №11, №6 qalalyq emha­na­laryna pedıatr-dáriger qyzmetin atqa­­­rýyna múmkindik berdi. Osy jyldar aralyǵynda ol tájirı­besi arqyly qalyptasqan jetis­tikterin el ıgiligine jarata bil­di. Qazirgi tań­da №6 qalalyq em­hanada jalpy tájirıbeli dári­ger bolyp qyzmet etedi. Pe­dıatrııa mamandyǵy boıynsha joǵary biliktilik sanaty, «Jalpy dárigerlik praktıka» jáne «Pedıatrııa» boıyn­sha mamandyq sertıfıkaty berilgen. О́z isiniń sheberi bú­ginde jubaıymen birge úsh ul, bir qyz tárbıelep otyr.

Taǵabek jyl saıyn ótetin Medı­sına qyzmetkerleri kúnine oraı jáne nátıjeli jumys kórsetkeni úshin emhana tarapynan únemi marapattalyp keledi.

«Bizdiń emhana aýmaǵyndaǵy 45 ýchaskede 1700 pasıent tir­kelgen. Olar­dyń 70-80 paıyzy bir jasqa deıingi sábıler. Sondyqtan balalarmen kóptep ju­mys isteımiz. Kúnine 15 mı­­­nýttan bólgende 20 adam qabyl­daımyz. Burynǵydaı qaǵaz­bastylyq joq. Barlyǵy elektrondy formatqa kóshken. Bú­ginde turǵyndar arasynda О́zbekstannyń medısı­na salasy damyǵan degen túsi­nik qa­lyptasqan. Sol elde eń­bek et­ken­dikten, densaýlyq saq­taý salasynyń oń-solyn jaq­sy bilemin. Búginde Nur-Sul­tan, Almaty qalasy men ob­lys ortalyqtaryndaǵy den­saý­lyq saqtaý mekemeleri ozyq tehnologııalyq qural-jab­­dyqtarmen jabdyqtalǵan. Shetelden bilim alǵan bilikti dárigerler eńbek etedi. Sol se­bepti ózgeni zor sanaýdy doǵa­rýy­myz kerek», deıdi bilikti dáriger.

 

ShYMKENT

 

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar