Fransııa Prezıdenti Emmanýel Makron Qasym-Jomart Toqaevty Qazaqstan Respýblıkasynyń Prezıdenti bolyp saılanýymen quttyqtap, tabys tiledi. Sondaı-aq ol aldaǵy ýaqytta kezdesýge, eki el arasyndaǵy qarym-qatynastardyń perspektıvalary men odan ári damytý máselelerin talqylaýǵa ázir ekenin jetkizdi.
«Fransııa aradaǵy qarym-qatynastardyń ilgeri damýyna erekshe múddeli. Biz Tuńǵysh Prezıdent Nursultan Nazarbaev myrzamen Brıýsseldegi kezdesýimizde yntymaqtastyqtyń ekonomıkalyq saladaǵy úsh basym baǵytyna toqtaldyq. Olar: aýyl sharýashylyǵy jáne agroónerkásiptik keshen, jańartylatyn energııa kózderi jáne sıfrlyq sala.
Mádenıet, bilim, lıngvıstıkalyq jáne mádenı-gýmanıtarlyq salalar boıynsha qarqyndy damyp keledi. Osy birlesken jumysymyz Qazaqstannyń gúldenýine óz úlesin qosady», delingen jedelhatta.
Japonııanyń Premer-Mınıstri Sındzo Abe quttyqtaý jedelhatynda eki el arasyndaǵy joǵary baılanystardy atap ótken.
«Aldaǵy ýaqytta Sizben saıası, ekonomıkalyq, mádenı jáne basqa da salalardaǵy yntymaqtastyǵymyz ben ózara dostyq qatynasymyzdy jalǵastyra berýdi qalaımyn», dep jazdy Sındzo Abe.
Ispanııanyń Koroli Felıpe óziniń quttyqtaýynda Qazaqstan Prezıdentimen jaqyn arada kezdesetinine senim bildirdi.
«Bizdiń memleketterimizdi biriktiretin barlyq sala boıynsha yntymaqtastyǵymyzdyń aldaǵy ýaqytta da nyǵaıa beretinine senimdi bolyńyz. Bul tereń baılanystarymyz halyqtarymyzdyń beıbitshilik pen turaqtylyq qaǵıdattaryna degen adaldyǵyna negizdelgen», delingen jedelhatta.
Polsha Respýblıkasynyń Prezıdenti Andjeı Dýda óziniń quttyqtaýynda Qazaqstandy Ortalyq Azııadaǵy eń mańyzdy áriptes retinde atap ótti.
«Polsha-Qazaqstan arasyndaǵy baılanystar aldaǵy jyldary da saıası ári ekonomıkalyq salalarda qarqyndy damýyn jalǵastyra beretinine úmit artamyn. Bizdiń qarym-qatynastarymyzdyń áleýeti joǵary ekenine senimdimin», dep atap ótti Andjeı Dýda.
Fınlıandııa Respýblıkasynyń Prezıdenti Saýlı Nıınıstıo da Qasym-Jomart Toqaevty quttyqtap, tyǵyz yntymaqtastyqqa daıyn ekenin bildirgen.
«Qazaqstan men Fınlıandııanyń qarym-qatynasy óte jaqsy, ásirese saýda salasyndaǵy baılanystarǵa erekshe mán berilgen. Biz budan ári qaraı da ekijaqty jáne halyqaralyq kún tártibinde ózara is-qımyldarymyzdy arttyra berýge daıynbyz», delingen jedelhatta.
Eýropalyq komıssııa Prezıdenti Jan-Klod Iýnker quttyqtaý jedelhatynda Eýrokomıssııanyń Qazaqstanmen yntymaqtastyqty nyǵaıta túsýge beıildi ekenin atap ótken.
«Aýqymdy áriptestik pen yntymaqtastyqty qamtamasyz etý bizdiń kópqyrly qarym-qatynastarymyzdy, sonyń ishinde ekonomıkalyq baılanystarymyzdy odan ári damytý úshin platforma bolady», delingen jedelhatta.
Sondaı-aq quttyqtaý hattaryn EQYU-nyń Az ulttar isteri boıynsha joǵarǵy komıssary Lamberto Zaner, Malaızııa Koroli Sultan Abdýlla Rııatýddın ál-Mustafa Bıllah, Vetnam Sosıalıstik Respýblıkasynyń Prezıdenti Ngýen Fý Chong, Taıland Premer-mınıstri, general Praıýt Chan-Ocha, Kıpr Prezıdenti Nıkos Anastasıadıs, Túrik Respýblıkasynyń Uly Ulttyq Májilisiniń tóraǵasy Mustafa Shentop, Kavkaz musylmandary basqarmasynyń tóraǵasy, TMD Dinaralyq keńesiniń teńtóraǵasy Sheıh-ýl-ıslam Allahshúkir Pasha-zade, Armenııa Joǵary patrıarhy jáne barsha armıandardyń Katalıkosy II Garegın joldady.
