1907-1976 jyldary shyǵarylǵan, baǵasy mıllıon dollarǵa deıin jetetin avtokólikter sherýi 2 maýsym kúni Pekınnen bastaý alyp, Qytaı, Mońǵolııa jáne Reseı arqyly Qazaqstanǵa keldi.
16 maýsym kúni avtokólikter Pavlodarda toqtap, keshe Elordaǵa keldi.
Astanalyqtar men qala qonaqtary qanshama jyldar boıy sapasyn joǵaltpaǵan kólikterdi úlken qyzyǵýshylyqpen tamashalap, kórmeden alǵan áserleri jaıly áleýmettik jelilerde bólisti.
Aıta keteıik, jarys 35 kúnge sozylyp, osy ýaqyt aralyǵynda olar 12 memleket aýmaǵy boıynsha 14 994 kılometrdi baǵyndyrady.
«Pekın-Parıj 2019» retro-rallıindegi eń eski kólik – 1907 jylǵy 112 jastaǵy Contal Motori Tricycle motosıkli, odan keıingisi – amerıkan-brıtan ekıpajynyń White MM Pullman avtomobıli boldy. Ol Contal Motori Tricycle motosıklinen 3 jylǵa jas. Al rallıdegi eń jas kólik - 1977 jylǵy Porsche 911s.
