Otyrys oblys ákimi Ońdasyn Orazalınniń tóraǵalyǵymen ótip, oǵan óńirdegi quqyq qorǵaý organdarynyń basshylary qatysty.
Prokýratýranyń málimetinshe, osy jyldyń basynan beri Aqtóbe oblysynda qylmys 15 % azaıǵan.
Oblys ákimi quqyq qorǵaý organdary úılesimdirek ári tıimdi ózara áreket etse nátıje jaqysyraq bolar edi dep atap ótti. Sonymen birge, óńir basshysy alaıaqtyqpen, qalta jáne mal urlyqtarymen, buzaqylyqpen ( sonyń ishinde kóńil kóterý oryndarynda) kúresti kúsheıtýdi tapsyrdy. Budan basqa, óńir basshysy urlanǵan zattardy satyp alatyn jáne ótkizetin núktelerdi joıýdyń pármendi sharalaryn qabyldaýdy talap etti.
Ońdasyn Orazalın sondaı-aq, beıáleýmettendirýdiń, sonyń ishinde qylmystyń qaıtalanýyn eskertý maqsatynda burynǵy sottalǵandardy jumysqa oranlastyrýdyń mańyzdylyǵyn atap ótti. Jumyspen qamtýdy úılestirý jáne áleýmettik baǵdarlamalar basqarmasynyń basshysy Qaırat Otarovtyń málimetinshe, jyl basynan beri jumyspen qamtý organdaryna bas bostandyǵynan aıyrý oryndarynan bosap shyqqan jáne probasııa qyzmetinde esepte turǵan 273 adam jumys izdep kelipti.
Olardyń 129-y endigi jumysqa ornalasqan, taǵy 24 adam memleket esebinen qysqa merzimdi kásibı oqytýdan ótip jatyr. 113 adam usynǵan jumystardan bas tartqan.
Ońdasyn Orazalın «Eńbek» nátıjeli jumyspen qamtýdy jáne jappaı kásipkerlikti damytý baǵdarlamasyn paıdalana otyra burynǵy sottalǵandardy kásipkerlikke tartý múmkindigin atap ótip, osy baǵyttaǵy jumystardy kúsheıtýdi tapsyrdy.
«Maqsatty toptar arasynda osy suraq boıynsha túsindirý, aqparattyq jumystardy kúsheıtý qajet. Olardy jumyspen, adal eńbekaqymen qamtý – qylmystyń qaıtalanýynyń aldyn alýǵa jaqs»,- dedi óńir basshysy.
