Mınıstr osy usynysyn QR Úkimetiniń otyrysy kezinde óńirlerdiń ákimderine baǵyttady.
«Búgin Úkimet otyrysynda baıandama jasaı otyryp, men oblystar men respýblıkalyq mańyzy bar qalalardyń, elordanyń ákimderinen Biryńǵaı ulttyq testileý qorytyndysy boıynsha reıtıng júrgizbeýlerin suradym. Biz mundaı reıtıngtiń qajeti joq dep sanaımyz», — dedi A. Aımaǵambetov.
Bilim jáne ǵylym mınıstri mundaı reıtıng obektıvti emes jáne mektepterdiń ázirlik deńgeıin kórsetpeıdi dep sanaıdy.
«Eger buryn UBT birden eki fýnksııany: mekteptegi qorytyndy attestattaý men JOO-ǵa túsýdi qamtysa, qazir olar bólinip, buǵan tek joǵary oqý ornyna túskisi keletinder ǵana erikti túrde qatysatyn boldy. Sondyqtan joǵary oqý ornyna túsý nátıjeleri boıynsha reıtıng júrgizýdiń, mektepterge baǵa berýdiń qajeti joq dep oılaımyn», — dedi A. Aımaǵambetov.
Sonymen qatar mınıstr atap ótkendeı, oqýshylardyń jetstikterin baǵalaýdyń basqa da kórsetkishteri, múmkindikteri men tetikteri bar.
«Árıne, mundaı kórsetkishter boıynsha belgili bir qorytyndy jasaýǵa bolady, biraq biz mektep týraly aıtsaq, reıtıng uǵymynyń ózi kúrdeli prosess. Bul eń aldymen tárbıeleý, oqytý prosesi. Bul túrli prosester, sondyqtan olardy qandaı da bir tetik arqyly baǵalaý birshama ádiletsiz. Bul jerde keshendi tásil qajet», — dedi A. Aımaǵambetov.
A. Aımaǵambetovtiń aıtýynsha, bıyl bakalavrıat úshin 53 785 grant bólindi. О́tken jylǵydaı, magıstratýra úshin 13 myńnan astam grant qalyp otyr. 2 312 grant doktorantýraǵa bólinedi.
Sonymen qatar baspasóz konferensııasy barysynda mınıstr Bilim jáne ǵylym mınıstrliginiń Telegram-kanal arqyly UBT nátıjelerin alý múmkindikteri jaıly aıtyp berdi.
«Bizdiń ózimizde Telegram-kanal bar, testileý nátıjelerin sol arqyly alýǵa bolady. О́tken jyly biz bul rásimdi alǵash ret iske qosyp kórdik. Sonymen qatar biz testileý rásiminde oryn alǵan qandaı da bir buzýshylyqtar týraly aqparatty jiberýge bolatyn Telegram-kanaldy ashýdy josparlap otyrmyz. Biz bul habarlamalardy birden alyp, sol boıynsha birden sharalar qabyldaı alamyz», — dedi mınıstr.
Baspasóz konferensııasy sońynda vedomstvo basshysy abıtýrıentter men ata-analarǵa tilegin jetkizdi.
«Biryńǵaı ulttyq testileý — bul óte mańyzdy emtıhan. Ári, tym qarbalas dúnıe. Árıne, bári kóp nársege qol jetkizýdi armandaıdy, biraq eń bastysy qobaljymaý kerek. Sizder ázirlendińizder. Kópshiligińiz bul testileýden óttińizder. Mektepte sizderge qajetti bilimdi berdi. Sondyqtan jaqsylap uıyqtap, emtıhan tapsyramyn degen oıdan bir sát sergigen jón», — dedi A. Aımaǵambetov.
Mınıstr UBT kezinde tyıym salynatyn zattar týraly da aıtyp berdi.
«Adam shpargalkany, uıaly telefonyn nemese basqa qurylǵyny ózimen birge alyp kirgende, onyń kóńili basqa jaqqa alańdaıdy. Ol muny qalaı alyp ótsem degen oımen nazaryn basqa nársege aýdarady. Odan keıin basqalar baıqamaý úshin qalaı alyp shyǵyp, qalaı paıdalansam dep alańdaıdy. Munyń bári kúızelis týdyrady jáne túlekke esh kómektespeıdi. Men adam ózine-ózi senip, daıyndalyp, oqýy kerek dep sanaımyn», — dedi mınıstr.
Sonymen qatar ol túlekterge UBT-ǵa testiler boıynsha emes, baǵdarlama materıaldary boıynsha daıyndalý kerektigi týraly keńes berdi.
«Barlyq ata-analar men túlekterge sáttilik tileımin», — dep túıindedi mınıstr.
