Sharaına
Beısenbi, 30 mamyr 2013 2:12
О́zderine bolady, ózgelerge joq
AQSh Memlekettik departamenti Eýropa Odaǵynyń Sırııa oppozısııasyna qarý-jaraq berý qajet degen ustanymyna qoldaý bildirdi. Bul týraly AQSh Memlekettik departamentiniń ókili Patrık Ventrell málimdedi.
Beısenbi, 30 mamyr 2013 2:12
О́zderine bolady, ózgelerge joq
AQSh Memlekettik departamenti Eýropa Odaǵynyń Sırııa oppozısııasyna qarý-jaraq berý qajet degen ustanymyna qoldaý bildirdi. Bul týraly AQSh Memlekettik departamentiniń ókili Patrık Ventrell málimdedi.
P.Ventrelldiń sózine qaraǵanda, Qurama Shtattar Sırııa oppozısııasyn qoldaýǵa baǵyttalǵan halyqaralyq kúsh-jiger aıasyndaǵy ustanymdardy jaqtaıdy. Buǵan deıin London men Parıj Sırııa oppozısııasyna dereý qarý-jaraq berýge daıyn ekendikterin jarııa etken bolatyn. Osy aralyqta AQSh Memlekettik departamenti Reseıdiń Sırııanyń zańdy ókimeti áskerlerine qarý-jaraq satý týraly ustanymyna úzildi-kesildi qarsylyq tanytty.
Irakta 23 adam qaza tapty
Irakta jarylystar men qarýly shabýyldar saldarynan 23 adam qaza taýyp, 45-i túrli dene jaraqattaryn aldy. Lańkestiktiń eń úlkeni el astanasy Baǵdad qalasyndaǵy shııt aýdandarynyń birinde jasaldy.
Jolaýshylar avtobýsyndaǵy qýatty jarylystan 6 adam kóz jumsa, 30-dan astamy zardap shekken. Taǵy bir jarylys jankeshti qýatty fýgasty iske qosqan Tarmııa eldi mekeninde oryn aldy. Onda jankeshtimen qosa 4 adam ólip, 8-i jaralandy. Jalpy, lańkestikter Baıdjı, Mosýl, Tıkrıt jáne Kırkýk eldi mekenderinde jasaldy. Iraktaǵy qazirgi ahýal eldegi asa iri súnnıt jáne shııt qaýymdastyqtarynyń arasyndaǵy qarsy turýshylyqtarmen tikeleı baılanysty.
Irandy oqshaýlaýdy kúsheıte túsedi
Irandy ekonomıkalyq oqshaýlaý jaqynda aıtarlyqtaı ýshyǵa túspek. 1 shildeden bastap AQSh tarapynan jańa sanksııalar kúshine enedi. Bul jáıt Irannyń teńiz saýdasyn aıtarlyqtaı kúrdelendire túsedi.
Bul jerde áńgime AQSh zańnamasynyń bir erejesine baılanysty bolyp otyr. 1 shildeden bastap onyń qarmaǵyna Iran ónerkásibiniń teńiz tasymaly, keme jasaý, sondaı-aq teńiz porttaryn basqarý sekildi segmentteri iligedi. Qara tizimge enýden qaýiptengen kóptegen sheteldik kompanııalar qazirdiń ózinde Iranǵa teńiz tasymalyn toqtata bastaǵan. Jalpylaı alǵanda, azyq-túlik, dári-dármek jáne basqa da gýmanıtarlyq taýarlar jańa sanksııa tizimine kirmeıdi. Degenmen, sanksııanyń qandaı da bir tarmaǵyna qaıshy kelip qalamyz ba dep qaýiptenetin kompanııalar kóp.
Kemelerdi jasyryp qoıýdy buıyrdy
Soltústik Koreıa kósemi Kım Chen Yn ınspeksııalyq sapary kezinde eldiń áskerı korablderin syrt kózden jasyryp qoıý týraly buıryq berdi. Mundaı eskertý el basshysynyń KHDR áskerı-teńiz kúshteriniń 291-pýnktinde bolǵan kezinde jasaldy.
Kım Chen Yn sý betinde ashyq turǵan áskerı kemelerdi kórgen kezinde ashýǵa býlyqqan syńaıly. Koreıa halyq armııasy joǵarǵy bas qolbasshysynyń pikirinshe, eldiń jaýlary soltústikkoreıalyq áskerı kúshterdiń qozǵalystaryn qadaǵalaýdy jalǵastyrýda kórinedi. Sondyqtan, KHDR-diń áskerı tehnıkalarynyń syrt kózden jasyryn ustalýy asa mańyzdy bolmaq.
Telearnaǵa aýyr aıyp taǵyldy
Venesýela prezıdenti Nıkolas Madýro amerıkalyq Sı-En-En telearnasynyń basshylyǵyn eldegi jaǵdaıdy turaqsyzdandyrýǵa árekettendi, memlekettik tóńkeris jasaýǵa arandatty degen aıyp taqty.
«Ispansha alǵanda, Sı-En-En eldegi jaǵdaıdy turaqsyzdandyrýǵa umtylatyn adamdar baqylaýyndaǵy jeli degen uǵymdy bildiredi. Venesýelada adamdardy memlekettik tóńkeris jasaýǵa ashyq shaqyryp otyrǵandarǵa basqasha baǵa berý múmkin emes», dedi N.Madýro memlekettik televızııada sóılegen sózinde. Prezıdenttiń aıtýynsha, amerıkalyq telearna 24 saǵat boıy álemde ne bolyp jatqanyn aıtýdyń ornyna, Venesýelany jamandaýdan bir tanbaıdy.
Jańa vırýstan bir adam kóz jumdy
Fransııada jańa vırýstan aýyrǵan adamnyń ólimi tirkeldi. 65 jastaǵy er adam eldiń soltústigindegi «Valensenn» aýrýhanasyna 23 sáýir kúni túsken kórinedi. Sol kezde onyń Birikken Arab Ámirlikterine sapardan endi ǵana oralǵan beti eken.
Sodan keıin pasıent Lıll qalasyndaǵy aýrýhanaǵa aýystyrylsa, 7 mamyrda dárigerler onyń jańa vırýs juqtyrǵanyn qýattaǵan. Dúnıejúzilik densaýlyq saqtaý uıymynyń málimetinshe, bul vırýs alǵash ret byltyr Taıaý Shyǵysta anyqtalsa, ótken jyldyń qyrkúıek aıynan beri odan 16 adam kóz jumypty. Ǵalymdar vırýs adamnan adamǵa tyǵyz baılanys jasaǵanda juǵady dep esepteıdi.
Qysqa qaıyryp aıtqanda:
Bırmanyń soltústik-shyǵysynda musylmandar men býddıster arasynda qaqtyǵys oryn aldy. Oqıǵaǵa Lasho qalasynda bir musylmannyń býddıst áıeldiń ústine benzın quıyp jaǵyp jiberýi sebep boldy.
BUU Bas hatshysy Pan Gı Mýn «Hezbolla» qozǵalysyn jaqtaıtyn lıvandyq shııtterdi Sırııa aýmaǵyndaǵy janjaldardan aýlaq bolýǵa shaqyrdy. «Hezbollanyń» kósemi sheıh Nasrýlla ótken aptada alǵash ret óziniń jaqtastary Sırııada soǵysyp júrgenin moıyndaǵan bolatyn.
Bangladeshte oppozısııadaǵy belsendiler birneshe qoldan jasalǵan bombalardy jaryp, kóshede turǵan avtokólikterdi qıratty. Manıfestanttar premer-mınıstr Hasına Vazedtiń jalpyǵa ortaq saılaý ótpeı turyp otstavkaǵa ketýin osylaısha talap etti.
Eýroaımaqtyń ydyraýy tek ýaqyt enshisindegi másele. Jaqynda qurylǵan konservatıvtik «Germanııa úshin balama» partııasynyń basshysy Bernd Lıýke osyndaı kózqaras tanytyp otyr. Onyń pikirinshe, Germanııa eýrodan bas tartyp, óziniń jeke valıýtasyna qaıta oralýy tıis.
Sońǵy málimetterge qaraǵanda, Úndistannyń Chhattısgarh shtatyndaǵy depýtattar kortejine maoıst-sodyrlar jasaǵan shabýyl saldarynan kem degende 27 adam qurban bolǵan. Buǵan qosa, taǵy 32 adam túrli dene jaraqattaryn alǵan.
Internet materıaldary negizinde ázirlendi.
