EL BEREKESI – IShKI BIRLIKTE

Prezıdent Nursultan Nazarbaev bıylǵy “Jańa onjyldyq – jańa ekonomıkalyq órleý – Qazaqstannyń jańa múmkindikteri” atty Qazaqstan halqyna Joldaýynda aldaǵy 10 jyldyqqa mejelengen bıikterdi baǵyndyrý úshin qoǵamdaǵy barlyq kúshterdiń birlese qımyldaýynyń mańyzdylyǵyna basa mán berdi. Ol meıli saıası partııa bolsyn, ÚEU bolsyn, bıznes pen memlekettik organ bolsyn, maqsat-múdde bir arnaǵa toǵysqanda alar asýǵa alqynbaı jetetindigimiz anyq. Aldymda Qazaqstan Prezı­den­ti­niń respýblıka halqyna arnaǵan dástúrli Joldaýy jatyr. Bir jyl buryn Memleket basshysy jaýapty oryndarǵa daǵdarystan shyǵý tý­ra­ly mindet júktese, bıylǵy Joldaý tutas onjyldyq damýǵa arnaldy. Onyń negizi – eldiń ekonomıkalyq órleýi men Qazaqstannyń jańa múmkindikteriniń týýy. Prezıdent eli­mizdiń daǵdarys dúrmeginde jo­lynan jańylmaǵanyn aıtyp, endi strategııalyq maqsatty kózdegen 2020 jylǵa deıin atqarylatyn isterdiń josparymen tanystyrdy. Kún tártibinde mańyzdy má­se­le – ekonomıkany ártaraptandyrý mindeti tur. Al ol úshin eńbek ónim­diligi artyp, barlyq salaǵa ınno­va­sııa dendep enýi tıis. Sonda ǵana básekege qabiletti 50 eldiń qata­ry­na ene alamyz. Bul – Elbasynyń sózi. Meniń uǵymymda, Prezıdent aýyl sharýashylyǵy salasyna ózge­ler­deı 10 jyl merzim atamaı, 4 jyl arnaǵan. Osy ýaqyt araly­ǵyn­da agroónerkásip keshenindegi ónim óndirýdi az degende eki esege deıin ósirý men eldiń azyq-túlik qaýip­siz­digin 80 paıyzǵa deıin qamtamasyz etý mindeti qoıylyp otyr. Eko­no­mıkany ártaraptandyrý boıyn­sha 30 mlrd. dollar shetel ıves­tı­sııasyn ıgerip, Úkimettiń bıznesti damytýǵa arnalǵan “Jol kartasyn” júzege asyrýǵa tapsyrma berildi. Osylaısha bıznestiń tynysyn ashyp, onjyldyqtyń aıaǵyna qaraı IJО́-ge bıznes túsiretin paıda 40 paıyzdyń kóleminde bolǵany jón degen talap bar. Bıylǵy Joldaýda barsha qazaq­sta­ndyqtar úshin ulttyq ıdeıa aı­tyldy. Ol – 2020 jyly Qazaq­stannyń qýatty elge aınalýy. Qa­zirgi kúni elimizde qansha jumystar atqaryldy degenimizben, biz qajetti taýarlardyń barlyǵyn shetten tasýdamyz. Elde sol ónimderdi daıar­laıtyn shıkizat joq pa, álde jumys kúshi joq pa? Bizde árbir 26 adamǵa bir báteńke, 2,3 metr mata shyǵarylady eken. О́kinishti me, ókinishti. О́zimizde munaıdyń mol qory bola tura, benzın, dızel otyny men maıdyń baǵasy álemdik deńgeıde, ıaǵnı olardy ózimizde shyǵaryp otyrsaq ta onyń baǵasyn bizge transulttyq kompanııalar aı­qyndap berip otyr. Elektr qýatyn tutyný jaıynan da osyndaı keleń­sizdikti kóremiz. Árıne, “Máskeý bir kúnde salynǵan joq” demekshi, munyń barlyǵynyń birneshe jyldyń júzinde ǵana atqaryla salar ońaı sharýa emestigi túsinikti, degenmen, alǵa bıik maqsattar qoıyp otyr­ǵanda halyqqa Joldaýda el kútken mejeden shyqpaı jatqan salalar men kásiporyndar atyna syn aı­tylýy qajet edi ǵoı dep te oılaı­myn. Árıne, qol jetken tabystar mindetti túrde aıtylǵany jón, biraq kemshilikter qosa aıtylmasa, olar qalaı jóndelmek? Halyqta “Qatelik jibergen jaman, al ol qatelikti jóndeýge umtylmaý odan da jaman” degen sóz bar. Jyl qorytyndysyna baıla­nys­ty mınıstrlikter men vedom­stvolardyń alqa otyrystaryndaǵy esepterdi qarasaq, ylǵı bir jetis­tik­ter aıtylady. Al salanyń qa­lyp jatqan tustary, onyń oryn alý sebepteri men ony joıý nemese tynysyn keńeıtip, damýǵa jol ashý tusy aıtylmaıdy. Mundaıdy qazaq “Jaýyrdy jaba toqý” deıdi emes pe. Biz – álemdik qoǵamdastyqpen ıntegrasııalanýǵa umtylǵan elmiz. Sóz joq, Eýropadaǵy qaýipsizdik jáne yntymaqtastyq uıymyna tóraǵalyq etýimiz Qazaqstan ımıd­jin kóteretini de aıqyn. Alaıda, bizde qarapaıym adam úshin áli de qoljetimdiligi az nárseler kóp. Joldaýda osy máselelerge qatysty jaqsy oılar bar. Mysaly, 2020 jyly qazaqstandyqtardyń ómir súrý deńgeıiniń artýy, sapaly medısınalyq járdem men álemdik deńgeıdegi bilim berý úshin ǵylym-bilim salasyn reformalaý, bala­baq­shadan ýnıversıtetke deıingi aralyqta oqý-tárbıe isin jaqsartý baǵdarlamasy shyn mánisinde mem­lekettik is. Turǵyn úı-kommý­nal­dyq sharýashylyq salasynyń ju­mysyn jaqsartý, zeınetkerler men múgedekterdi áleýmettik qorǵaý syn­dy áleýmettik-ekonomıkalyq tolyp jatqan mindetterdiń oıdaǵy­daı oryndalýy halyqtyń turmy­syna tikeleı oń áser etetinine daý joq. Biraq, másele sol josparlanǵan mindetterdiń atqarylýynda jatyr. Eger osyǵan deıin kóshelerde or­nalasqan bılbordtarda “Qara­paıym adamǵa qaraı qarapaıym 10 qadam”, “30 korporatıvtik kósh­bas­shy”, “100 mektep, 100 aýrýhana”, “Sybaılastyqqa qarsy myqty 10 soqqy” degen sandarǵa kózimiz úı­ren­se, endi Memleket basshysynyń alysqa, aldaǵy 10 jyldy betke alǵan strategııalyq Vladıslav KOSAREV, Qazaqstan Kommýnıstik halyqtyq partııasy Ortalyq komıtetiniń tóraǵasy. turǵydaǵy “Qa­zaqstan-2020” sanyna qaraıtyn boldyq. Endi tek ıgilikke baǵyttal­ǵan osy josparlar qaǵaz júzinde qalyp qoımaı, naqty júzege assyn degen tilek bar. Joldaýda bıik maqsattarǵa qol jetkizýde barlyq partııalardyń, azamattyq qoǵamnyń birigýi, “Nur Otan” halyqtyq-demokratııalyq par­tııasynyń bul iste toptas­ty­rý­shy, kúsh biriktirýshi retinde jumys jasaýy kerektigi atap kórsetildi. Otanynyń kórkeıýi, básekege qabiletti, aldyńǵy qatardaǵy mem­le­kettermen terezesi teń bolýy, hal­qynyń turmys deńgeıiniń joǵa­rylaýy, eldiń ıntellektýaldyq, zııatkerlik deńgeıiniń ósýi árbir azamattyń kókeıin tesken armandy oı ǵoı. Osy armanǵa jetýde ha­lyq­tyq kommýnıster ózderine qatysty máselede aıanyp qalmaıtynyna se­nimim mol.