«Dostyq úıinde» ótken saltanatty sharada oblys ákimi Erlan Qoshanov quttyqtaý sóz sóılep, memlekettik qyzmetshi bolýdyń úlken eńbek jáne erekshe jaýapkershilik ekenin atap ótti.
– Bizdiń mindetimiz – azamattarymyzdyń jaıly ómiri men jemisti jumysy úshin jaǵdaı jasaý. El Prezıdenti bılikke degen senim bizdiń árqaısymyzdan, turǵyndarmen ashyq dıalogtan bastalatynyn aıtady. Biz bul dıalogty kún saıyn qurýymyz qajet. Biz úshin bolmashy problemalar degen bolmaýy kerek. Barlyq ózekti máselelerdi biz ýaqtyly jáne tolyq sheshetin bolsaq, adamdar onyń sheshimin basqa jerden izdemeıdi, – deı kele óńir basshysy memlekettik qyzmetshilerge adaldyqtary men eren eńbekteri úshin alǵys aıtty.
Saltanatty rásim kezinde Jańaarqa aýdandyq veterınarııa bóliminiń bas mamany Lashyn Tóleý men Qarajal qalalyq dene shynyqtyrý jáne sport bóliminiń basshysy Artem Kım syndy jas qyzmetkerler ant berdi.
Memlekettik qyzmetshiler kúnine arnalǵan saltanatty sharanyń sońy jergilikti ónerpazdar qoıǵan merekelik konsertpen túıindeldi.
Qazirgi tańda Qaraǵandy oblysynda 7 myń memlekettik qyzmetshi jumys isteıdi eken. Sonyń 3,1 myńy – jastar.
Eske salsaq, Qazaqstanda «Memlekettik qyzmetshi kúni» 2014 jyldyń 23 maýsymynan bastap resmı túrde atap ótiledi.
Qaraǵandy oblysy
