Halyq nazaryndaǵy mańyzdy iske IT kompanııalardy tartyp, olardyń qyzyǵýshylyǵyn arttyrýdy kózdegen shara barysynda komıtettiń ókili Saıan Ábdishev alǵa qoıylyp otyrǵan mindetter men josparlardy ortaǵa saldy. «Qazir Komıtettiń aldyńǵy kezektegi basty jumysynyń qatarynda– halyqqa arnalǵan medısınalyq qyzmet kórsetýdi joǵary sapaly etý jolynda údemeli sıfrlandyrýǵa qol jetkizý mindeti tur» degen Saıan Ábdishev IT salasyndaǵy bıznes ókilderi men barlyq jınalǵandardyń nazaryn aýdaryp.
Ashyq esik kúninde sóz alǵan Densaýlyq saqtaý Vıse-mınıstri Oljas Ábishev Densaýlyq saqtaý mınıstrligindegi Sıfrlandyrý ofısiniń mańyzyna toqtala kele IT ókilderimen qazirgi úderisterdi jetildire túsý joldary, aýtsorsıngke beriletin jobalar men birige atqarylatyn jańa ıdeıalar týrasynda oı bólisti. «Sıfrlandyrý ofısi IT qaýymdastyǵy tarapynan aıtylatyn jańa usynystar men bastamalardy qoldaýǵa árkez daıyn. Salany sıfrlandyrý medısınany damytýdyń asa mańyzdy bóligi, sondyqtan da IT qaýymdastyǵyn áriptestik qımylǵa, densaýlyq saqtaý salasyn sıfrlandyrýǵa baǵyttalǵan ıgilikti jobalardy tize qosa qımyldaýǵa shaqyramyz» dedi.
