Shymkent qalasynda Túrkistan oblysynyń Dostyq úıi bazasynda zardap shekkender úshin kómek jınaý ortalyǵy ashylady.
Qazaqstan halqy Assambleıasynyń úılestirý shtaby quryldy, onyń úılestirýshisi Shymkent qalasy Qazaqstan halqy Assambleıasy hatshylyǵynyń meńgerýshisi Muratalı Orazalyuly Qalmuratov, birlese úılestirýshi Túrkistan oblysy Qazaqstan halqy Assambleıasy hatshylyǵynyń meńgerýshisi Ǵanı Qurmashuly Rysbekov boldy.
Aksııaǵa «Dýstlık» Qazaqstan Respýblıkasynyń ózbek etnomádenı birlestikteriniń qaýymdastyǵy», «Ázerbaıjandyqtar qaýymdastyǵy», «Ahyska» túrik etnomádenı ortalyǵy», «Qazaqstan koreıler qaýymdastyǵy» jáne basqa da respýblıkalyq jáne óńirlik etnomádenı birlestikter qosyldy.
Adamdardy evakýasııalaý úshin kólikpen qamtamasyz etýge kómek kórsetilýde.
Qazirgi kezde qajetti gýmanıtarlyq kómek quramyna: azyq-túlik, sý, shyryndar, balalar taǵamy, eń aldymen qajet bolatyn zattar kiredi.
Barlyq qazaqstandyqtardy, jastardy, eriktilerdi tehnogendik avarııadan zardap shekken adamdarǵa kómek kórsetýge shaqyramyz.
Bizdiń otandastarymyz siz ben bizdiń qoldaýymyzǵa muqtaj!
Gýmanıtarlyq kómekti qabyldaý ortalyǵynyń meken-jaıy: Túrkistan oblysynyń Dostyq úıi, Shymkent qalasy, Jeltoqsan kóshesi, № 9/3 úı.
Jumys isteıtin ýaqyty: 24-25 maýsymda táýlik boıy, 26 maýsymnan bastap saǵ. 9.00-den 19.00-ge deıin.
